越滋味 (Closed)

3月23日, 喺渣甸坊入面有一間越南野, 已經有好多次過門而不入. 但係因為銅鑼灣好味又抵食嘅越南菜買少見少, 呢度價位都變得唔貴, 所以今日都終於的起心肝試一次. ::: 越式炒河 + 凍奶茶 ::: $43 + $3炒河上枱唔係好特別嗰隻, 都係好似普普通通嗰d越泰式炒河咁款, 用料都係扎肉為主, 唔太食得出其他仲有咩肉, 再加上蛋呀, 蔥呀蘿蔔絲同蒜... 味道有d香茅魚露味啦, 河粉有d立, 唔係好爽口, 就咁食會好乾, 好彩都有野飲~凍奶茶都算正常味, 茶味奶味均勻, 亦都夠凍, ok~::: 香茅豬扒撈檬 +青檸水 ::: $38 + $3香茅豬扒撈檬賣相非常豐富! 除咗主角香茅豬扒之外其他配菜仲有齊青瓜絲、酸蘿蔔絲、花生碎、炸蒜、同蔥粒~ 豬扒係出奇地軟熟, 唔會炸得過乾又有香茅味, 其他配料亦盡其錦上添花作用~ 成個撈檬都好足料又好味! 美中不足係下面d檬粉有少少黐埋一舊舊.青檸水酸酸甜甜好清新~ 不錯~隱蔽嘅越菜, 午市都幾多人, 大多都係附近sales, 似乎都係熟客, 大多嘅吉枱都留咗俾佢地, 所以對我地呢d生客服務就有d差...