Gioia Charcoal Grill & Oyster Bar (Closed)

今晚同事話要帶我去堅利地城食野，而我就真係第一次去堅利地城，對呢個地方都幾陌生，無諗過係呢個位置竟然有間隱世好食西餐廳。餐廳黎地鐵站不遠，位置亦很好找。餐廳內裡燈光柔和，很適合情侶把酒談天。坐低後侍應為我們呈上麵包脆條，像食緊大版百力滋，幾脆。我們4人揀選了1個精選晚餐及1個二人餐一起吃。海鮮拼盤，包括有生蠔、大蝦、青口、翡翠螺及蜆，生蠔很鮮甜厚肉，海水味濃郁!翡翠螺同蜆都很新鮮，蜆亦很肥美!黑松露野菌忌廉湯，湯很creamy，不會好稀!野菌蓉都好多，好有口感，飲落去還有淡淡黑松露味!慢煮美國黑醋牛仔肋骨，由於慢煮的關係，牛肉好鬆軟，配有黑醋味道很特別，酸酸地得黎又食到牛肉既鮮味。薯蓉亦有淡淡的黑松露味，配菜用上茄醬整成的翠玉瓜同南瓜，很開胃!露筍鮮蝦菠菜天使麵，露筍同菠菜好新鮮，鮮蝦係「真」鮮蝦，爽口彈牙，而天使麵用上蒜片炒香，很惹味!總括黎講，餐廳不算很大，但勝在夠靜，很適合情侶食飯談心。另外侍應會主動加水及上菜時會說明菜式，態度親切。有機會會帶朋友黎呢個隱世餐廳試下。