鳴虎 (新城市廣場三期) (Under Renovation)

突然拉麵癮起，先發現原來一田都有好食嘅拉麵。蝦味噌豬骨湯試咗一啖湯，好濃嘅蝦味，面上仲有好多櫻花蝦粉，成個口感好豐富，湯底唔會過咸。叉燒肉質厚實，肥瘦分明。面質係幼面，可以做到掛湯！溏心蛋十分之出色，睇圖都見到中間流心嘅情況。博多黑蒜油拉麵呢款湯底俾蝦湯更加濃厚，湯底都比較杰身，適合重口味人士。黑蒜油味突出，再加上香蔥，好好食！呢個湯底亦都比較掛湯！餃子香脆嘅炸餃子，上枱時仍然係熱辣辣，值得加分！