HeySoNuts

Open Now

Now Closed

萬聖節正日同朋友去咗土瓜灣搵到間高質cafe，主菜同埋甜品都一樣咁好食🥳嗰日仲full晒，證明啲人都識食💫🍷紅酒慢煮牛面頰肉配薯蓉煮到超級淋，牛面頰肉入面有少少膠質同埋肉一齊食口感非常好。薯蓉應該係加咗牛油一齊整，所以食落都幾香牛油味。另外會附上一碗用牛肉汁煮成嘅雜菜牛肉味非常濃郁，仲可以倒上去牛面頰一齊食。🍺黑啤自家製煙燻豬腩肉意大利飯上菜嘅時候仲係非常熱，食落有少少黑啤酒味，加埋煙燻半肥瘦豬腩肉嘅意大利飯有咬口又有油香。另外加咗$55煙三文魚，不過個人覺得就咁食會好食啲。💚開心果茉莉花梳乎厘pancake梳乎厘pancake充滿蛋香，有空氣感仲會彈吓彈吓，配上香濃嘅開心果醬一齊食真係好開心。