CoHee Studio

Open Now

Now Closed

呢間咖啡店隱藏于錦田公路嘅轉角處，附近都係三層高嘅村屋，喺店外經過感覺有點似日本淺草地區嘅咖啡廳。當日大概下午五點幾到達，由於店鋪係七點關鋪，所以呢個時分客人唔多。 店內以淺木色同白色裝修為主，播著輕音樂，非常配合呢一區休閒慢活嘅感覺。餐單以西式輕食同咖啡為主。雖然話係輕食，但份量唔少，就直接當晚餐食了。巴馬風乾火腿、炒蛋、意式拖鞋包、雜菜沙律沙律係拌黑醋汁， parma ham份量好多，炒蛋加左奶幾滑。拖鞋包係熱同烘底的。煙鴨胸、牛油果、柚子醬、貝果、雜菜沙律煙鴨胸油香十足，加上清新嘅柚子醬（有果肉）同埋熟成牛油果非常開胃，三樣食材嘅質感配合得好好。hojicha latte、genmaicha latte （$38@）焙茶latte味道較清香，質地較薄。玄米茶latte香味濃郁， 質地較厚。個人本身好中意米香味，所以認為玄米茶latte比較吸引。