一茗堂 (南山商場) (Closed)

今晚同朋友補祝生日，諗住近佢公司搵吓嘢食，於是就揾到嚟呢度，估唔到係舊式屋邨商場內都有間靚靚的西餐廳，可能正因為地點問題，呢度既晚飯相當抵食！餐廳都幾大，簡單裝修加上少量戶外座位，晚上人唔多，適合慢談。晚上無set dinner, 散食彈性更大，我哋叫咗個「法式酸種麵包」（ $42/六件），烘得好脆但內裏又軟熟，好味呀！另外仲有一個「0.5kg白酒汁藍青口」做前菜，份量都幾多呀，我諗20隻都有，個汁唔係好白酒味，但青口既鮮都足夠，唔會太韌太鞋，ok呀！主菜就有「冬陰功鮮蝦意大利麵」（$62）和「真空慢煮香煎美國豬扒配蘋果蓉、薯泥、雜菜沙律」（$78）。兩個都好好味，好鍾意呀！意大利麵的冬陰功味唔算好濃，但一路食一路聞到，鮮蝦都大隻同幾多，加埋車厘茄和菇一齊炒，yummy!而慢煮豬扒都好厚切，慢煮既質感唔會鞋仲保留到肉汁，煎得好香，做得唔錯！加埋蘋果蓉有點酸中帶甜的清爽感覺，食落又多種層次感，好好！最後當然忍唔住叫番個甜品，呢度既甜品全部都係tart, 㨂咗清新既熱情果芒果撻，有些熱情果籽在面，鮮黃色既外表更吸引食慾，味道酸酸甜甜，都唔錯。叫甜品可以免費送咖啡茶或半價叫特飲，朋友就要咗杯