Video
Read full review
2024-01-24
81 views
朋友話佢食咗間幾好食嘅餐廳，又有outdoor，就帶左我同佢去吓!驚喜架! 我真係唔知尖沙咀彌敦道D大廈會有咁既餐廳同埋佢地服務態度真係好好我哋食咗個牡丹蝦意大利粉 $268 ，佢係蕃茄汁嚟嘅上面有蝦嘅他他，裏面有熟嘅蝦切粒狀，個味係好出色之後仲嗌咗個封門牛柳配薯蓉(佢個汁係黑松露+紅酒)＄３２８，佢係慢煮大概五成熟左右唔會太生，亦都唔會老，跟住之後仲要有煎過，佢嘅外部係會有啲香口嘅煎香味道。個牛配薯蓉加埋佢Ｄ汁真係好好食（可能我比較鐘意食薯蓉）再之後嗌咗兩杯Cocktail，酒味同佢原本的味道都好配合同埋唔會太過重酒味，但都會有酒既味道。兩杯都好好飲，個味道好特別，喺出邊未還未試過一個叫做四大美人 ＄１４０另外一個叫白蘭樹記 ＄１４０無論氣氛既營造 ／ 環境同埋食物既質素都好好，每一道菜，店員都會好細心咁講解佢係點樣去煮，啲酒佢都會好詳細咁樣去解釋裏面係有啲咩成份。服務態度十分之好，仲要係每個店員服務態度都好好。好難得！今日係平日，我見佢都好full，我地book咗outdoor，雖然今日有啲凍，但係佢出邊係有暖氣嘅，都可以接受。係到食晚飯傾偈超舒服，最衰第二日要返工，唔係應該都會坐
驚喜架! 我真係唔知尖沙咀彌敦道D大廈會有咁既餐廳同埋佢地服務態度真係好好
我哋食咗個牡丹蝦意大利粉 $268 ，佢係蕃茄汁嚟嘅上面有蝦嘅他他，裏面有熟嘅蝦切粒狀，個味係好出色
之後仲嗌咗個封門牛柳配薯蓉(佢個汁係黑松露+紅酒)＄３２８，佢係慢煮大概五成熟左右唔會太生，亦都唔會老，跟住之後仲要有煎過，佢嘅外部係會有啲香口嘅煎香味道。
個牛配薯蓉加埋佢Ｄ汁真係好好食（可能我比較鐘意食薯蓉）
再之後嗌咗兩杯Cocktail，酒味同佢原本的味道都好配合同埋唔會太過重酒味，但都會有酒既味道。
兩杯都好好飲，個味道好特別，喺出邊未還未試過
一個叫做四大美人 ＄１４０
另外一個叫白蘭樹記 ＄１４０
無論氣氛既營造 ／ 環境同埋食物既質素都好好，每一道菜，店員都會好細心咁講解佢係點樣去煮，啲酒佢都會好詳細咁樣去解釋裏面係有啲咩成份。
服務態度十分之好，仲要係每個店員服務態度都好好。好難得！
今日係平日，我見佢都好full，我地book咗outdoor，雖然今日有啲凍，但係佢出邊係有暖氣嘅，都可以接受。
係到食晚飯傾偈超舒服，最衰第二日要返工，唔係應該都會坐耐啲。
Post
