Video
Read full review
2019-03-22
41 views
我覺得呢間真係街舖得黎又好隱秘既餐廳，已經係經過左都唔知自己經過既程度😂樓下其實是台式飲品店美好年代，同時亦係餐廳水吧，只是門面是向內唔係向外，如果唔係有心搵可能都會忽視了😂由於呢度本身係唐樓，門口很小一個，經過飲品店上樓梯，就到餐廳的部分，樓梯很昏暗，走到中間我有一秒懷疑自己係咪去岩地方😂穿過陰暗的樓梯，進入餐廳，映入眼簾的是一幅綠色植物牆，餐廳面積不大，環境昏暗，配上水泥牆及紅磚牆。餐牌選擇簡而精，兩版紙已包含沙律、小食、薄餅、主菜、意粉、意大利飯。我們點了軟殻蟹帶子沙律配香檸汁（$68），香檸汁另上，可以自己控制調味。軟殻蟹只有半隻，躺在沙律床上，好像有點孤獨，還好有兩隻帶子相伴，煎得頗有鑊氣呢，表層微焦。另外見好多台都點左水牛城雞翼（$68），所以又試下。嘩，上枱好大碟，雞翼好大隻，焗雞翼表面塗上了水牛城醬，味道算香濃，但唔入味，我個人覺得一般，我都係鍾意細隻雞翼多啲。我都幾欣賞呢度有幾多小食嘅選擇，多人來嘅話叫來share都幾好。主菜方面，我和朋友都點了肉類。我的是美國安格斯肉眼（$198），好大的一塊！因為唔算厚切，看樣子我就擔心我點的七成熟會煮得太熟了，所以切開時真心有驚
由於呢度本身係唐樓，門口很小一個，經過飲品店上樓梯，就到餐廳的部分，樓梯很昏暗，走到中間我有一秒懷疑自己係咪去岩地方😂
穿過陰暗的樓梯，進入餐廳，映入眼簾的是一幅綠色植物牆，餐廳面積不大，環境昏暗，配上水泥牆及紅磚牆。
餐牌選擇簡而精，兩版紙已包含沙律、小食、薄餅、主菜、意粉、意大利飯。
我們點了軟殻蟹帶子沙律配香檸汁（$68），香檸汁另上，可以自己控制調味。軟殻蟹只有半隻，躺在沙律床上，好像有點孤獨，還好有兩隻帶子相伴，煎得頗有鑊氣呢，表層微焦。
另外見好多台都點左水牛城雞翼（$68），所以又試下。嘩，上枱好大碟，雞翼好大隻，焗雞翼表面塗上了水牛城醬，味道算香濃，但唔入味，我個人覺得一般，我都係鍾意細隻雞翼多啲。
我都幾欣賞呢度有幾多小食嘅選擇，多人來嘅話叫來share都幾好。
主菜方面，我和朋友都點了肉類。我的是美國安格斯肉眼（$198），好大的一塊！因為唔算厚切，看樣子我就擔心我點的七成熟會煮得太熟了，所以切開時真心有驚喜，還是粉紅色，肉眼脂肪均勻有肉汁，不會乾柴！某些外皮甚至做到脆邊，質感上比之前在某連鎖扒房吃的已算好很多！
味道上肉味也可以，鮮味稍遜，但這個價錢來說也合格有餘了。蘑菇汁有點像茶餐廳鋸扒的汁，還好是另上，可以選擇點或唔點。
朋友的香草露絲瑪莉羊架（$198），份量相對牛扒沒那麼震撼，煮的質感亦是不錯，但沒有騷味，所以喜愛羊的朋友可能會覺得稍欠羊味，但不喜騷味的朋友可能就會喜歡了。
這裡最特別的地方是可以點台式飲品，幾乎每枱的人都人手一杯呢，我點了推介的美好水果四季春（$42），果味出但茶味不濃，主要有橙、檸檬等citrus fruit，也有數片蘋果及半粒士多啤梨，整體味道唔算好自然，但是都幾好飲。
另外一杯是烤布蕾波波茶（$34），我覺得性價比比水果茶高，面層有芝士奶蓋，咸香杰身軟滑，又幾唔錯，當甜品食都幾好😂。黑糖拎上手暖暖地，但覺得奶蓋較突出，可能飲奶蓋系列更好。
整體我覺得呢度得食物是偏港式的西餐，但係火喉又控制得唔錯，價錢尤其是意粉意大利飯薄餅都好平易近人，環境特別，銅鑼灣來說都算係性價比唔錯既地方。
Post
