The Vibe Room (Closed)

一早訂了位，到來慶祝生日，結果用餐體驗，由頭到尾都好無奈。1. 一早訂了位，到場發現原來餐廳冇預留到座位，結果被安排到一個凍到難以忍受，音響又好大聲的座位。經要求後，終於被調到一個冇咁凍，同埋音響細聲少少嘅座位。本身只係想靜靜地食餐飯，結果搞到我好似一個要求多多嘅西客。2.叫咗一個豬鞍，嚟到切開裏面係鮮紅色嘅，餐廳表示原因係慢煮。開始覺得心很累。3. 因為好凍，叫咗幾杯熱咖啡。一飲入口，上面嘅拉花係凍嘅，下層嘅咖啡係暖既。成件事好矛盾。其中一杯抹茶latte，入邊飲到一堆未溶嘅抹茶粉。4. 成個場得兩個侍應，仲要係唔算熟手嘅，基本上任何需求，都要等一陣，先會有人幫到你。5. 每個餐盤都極其大份，明明餐枱size係正常，但係叫完嘢食之後，其實都唔夠位擺，食個飯都好多唔方便，成件事都唔make sense6. 訂位時mark左叫甜品時寫生日快樂慶祝，但未食完嘢，已經心很累，最後唔想再中伏，放棄個甜品。