Video
Read full review
2023-04-09
67 views
今日有外國嘅朋友來香港，諗住帶佢哋食啲特別啲嘅嘢，經過朋友介紹知道銅鑼灣有新嘅正宗湘菜館，老長沙湘菜館。朋友對佢嘅評價唔錯，所以我就預早book咗位了。餐廳位於銅鑼灣嘅商業大廈裏面一樓，唔算太難揾，入到去，有啲似私房菜嘅感覺，除咗出邊有三四張枱之外，另外有大約三間嘅唔同大細嘅包廂。湘菜香港其實唔算少，但係正宗嘅就唔多，所以我哋都係叫老闆娘介紹有啲乜嘢好食，老闆娘亦都非常熱心，幫我哋推介左不少美食。殺豬菜其實係一個辣炒豬什，裏面有豬腸，豬腰要同埋豬肝。豬腸，好多人唔食豬腸，係因為太油或者有異味，但係呢度嘅豬腸細粒非常乾淨，而且處理亦都非常細心，將多餘嘅油脂切咗出嚟，可以話係將平常嘅食材發揮到最好既味度豬腰同埋豬肝口感亦都非常好，唔會好似出邊有啲餐廳咁用過多嘅化學野或者梳打粉醃到爛晒，保持返佢哋應有嘅口感，但係火候啱啱好，唔會過老。調味方面，亦都十分出色，好多人會將川菜同埋湘菜混淆，甚至乎好多湘菜館做出來的味道根本就係川菜。但係呢度就完全唔同，冇四川菜咁多嘅花椒麻辣。辣椒嘅香味非常直接，配埋爆香過嘅蔥斷，無論就咁食，送酒或者送飯都係一流。永州血鴨，估唔到除咗法國之外都有中式嘅血鴨，相傳呢道
餐廳位於銅鑼灣嘅商業大廈裏面一樓，唔算太難揾，入到去，有啲似私房菜嘅感覺，除咗出邊有三四張枱之外，另外有大約三間嘅唔同大細嘅包廂。
湘菜香港其實唔算少，但係正宗嘅就唔多，所以我哋都係叫老闆娘介紹有啲乜嘢好食，老闆娘亦都非常熱心，幫我哋推介左不少美食。
殺豬菜
其實係一個辣炒豬什，裏面有豬腸，豬腰要同埋豬肝。豬腸，好多人唔食豬腸，係因為太油或者有異味，但係呢度嘅豬腸細粒非常乾淨，而且處理亦都非常細心，將多餘嘅油脂切咗出嚟，可以話係將平常嘅食材發揮到最好既味度
豬腰同埋豬肝口感亦都非常好，唔會好似出邊有啲餐廳咁用過多嘅化學野或者梳打粉醃到爛晒，保持返佢哋應有嘅口感，但係火候啱啱好，唔會過老。
調味方面，亦都十分出色，好多人會將川菜同埋湘菜混淆，甚至乎好多湘菜館做出來的味道根本就係川菜。但係呢度就完全唔同，冇四川菜咁多嘅花椒麻辣。辣椒嘅香味非常直接，配埋爆香過嘅蔥斷，無論就咁食，送酒或者送飯都係一流。
永州血鴨，估唔到除咗法國之外都有中式嘅血鴨，相傳呢道菜係清末時期，廚師煮俾太平天國將軍食。歷史就唔多講了，但係呢度塞用咗新鮮嘅鴨血嚟到做餸菜嘅汁，味道非常濃郁，同法國嘅血壓有異曲同工之妙！
臘味合蒸，因為今日天口凍嘅關係，食返啲臘味也不錯，湘菜嘅臘味都非常出名。咬落去除咗鹹香油香之外，仲有佢本身適量嘅調味，可以話係香味十足！
長沙臭豆腐，聞名中外嘅長沙臭豆腐，最大嘅分別就係喺做豆腐嘅臭水度加咗豆豉，所以做出來嘅豆腐係黑色的，呢個經典嘅長沙臭豆腐，除咗炸過之外，上面亦都鋪咗一啲腌菜，同埋有秘製嘅滷水汁，同港式臭豆腐既味道完全唔同！
香辣蝦，曾經喺某節目嗰度睇過，蝦呢樣嘢如果用嚟炸的話，油溫要非常之高，時間及火候掌握亦都非常難，呢隻蝦就可以做到以上我所講嘅技術。成隻蝦用高溫炸過，連殼都可以食埋，但係蝦肉亦都可以保持爽脆。
嚟到成餐飯就重頭戲，蒸氣魚頭，魚頭嘅大細，可以話係十分驚人，一開二之後入邊鋪上湖南剁椒，另外一邊係泡椒。 成個魚頭每用一個蒸鍋燒住，有隔水保溫嘅功效，所以成個魚頭食完嗰陣都係熱的。
調味亦都非常出色，食得出泡椒剁椒蒜頭薑等配料嘅香味，所有配料有充分炒過同埋爆香，而且上菜嗰陣應該有落鍋邊醋，有少少微酸更加開胃，解辣。
食食吓嗰陣，老闆娘推介我哋配麵食，話可以將麵條放入去之中吸晒所有嘅精華。喂呢餐晚餐畫上一個完美嘅句號！
成餐飯飽到飛起，最難得嘅係食咗咁多重口味嘅嘢，都唔會太口渴，由此可見，廚師喺調味方面亦都唔會太多味精，呢個話可以係全餐飯最難得的。
Post
