金風小館 (Closed)

一個美麗嘅誤會…做就咗今晚嘅火鍋飯局！誤打誤撞嚟到呢間金風小廚！見到門口個牌寫住星期一至四任飲任食火鍋兩小時「四人同行三人價錢」忍唔住即刻轉場過黎幫襯! 今晚我哋叫咗個胡椒豬骨煲，當中配料有好甜嘅粟米！火鍋紙上面基本上都係任叫！飲品方面有五款罐啤酒任飲，另外仲有多款冇酒精飲品照顧埋其他朋友嘅需要！小食及時令海鮮只可以叫一次！小食我哋叫咗麻辣皮蛋，好鍾意個醬汁甜甜辣辣！海鮮方面有羅氏蝦及花甲一份.幾鮮甜！任點任食食材都唔會好馬虎，新鮮美味👍包括脆骨腩、脆魚皮、台灣芋泥貢丸、蟹柳、豬肉 及 美國肥牛、芫荽等等…..仲有雲吞韭菜餃都好好味總結$168加1呢個價錢，食物質素唔差又可以任飲啤酒，啱晒同啲酒肉朋友黎聚聚！最值得一讚嘅係呢度嘅服務員好有禮貌同會自動幫忙加湯！唔會好似出面任食火鍋要嗌幾次先幫手加…..呢點好難得…要讚下！