Video
Read full review
2024-05-20
98 views
母親節我哋專登搵咗間中菜嚟慶祝，今次就揀咗有蔡瀾加持嘅粗菜館。一入到舖頭大大隻字親筆提名寫住炒豬什，梗係嗌一碟嚟試吓啦。佢哋嘅炒豬雜真係好正，炒得剛剛好，唔會太腍或者太硬，應爽則爽，應嫰則嫰！🤤我最鍾意就係個炒豬潤，好嫰好粉呀，仲要夠哂鑊氣，同豉油既咸香完美配合，薑蔥有畫龍點睛既效果僻走哂我最怕個d 內臟既腥臭味，同埋講真已經好少地方有得食炒猪雜得黎咁高質啦！🫢咁埋老細行開行埋，見我地係咁講好正，仲好好人咁同我地傾下計，佢話原來呢碟炒猪雜用左三隻唔同既猪既猪雜，我最愛既猪潤係乳猪到黎，猪粉腸都係（因為仲係飲奶，未開葷，所以唔會有怪味），唔怪之得我平時好怕有猪腸，一試真係意料之外地咁正。而佢哋嘅招牌炒魚腩亦都非常出色，肉質鮮嫩多汁，帶有微微的魚香味，真係一絕！加埋啲蔥段同埋薑絲，更加增添咗味道。平時唔太肯食魚既大仔都食左二大舊🤣聽老細講，佢地採用先煎後炸，封鎖返魚肉既鮮味，唔可以一嚟就猛火炸佢，或者好似而家好多餐廳為咗慳時間快出貨落好多生粉包一層直接炸，令成個口感差哂，仲好重生粉味。聽完真係覺得真係好有心機對待每一樣食材，好欣賞佢哋！另外，最鐘意飲湯既我叫左佢哋老火湯黎試一試。嘩！個湯煲
一入到舖頭大大隻字親筆提名寫住炒豬什，梗係嗌一碟嚟試吓啦。
佢哋嘅炒豬雜真係好正，炒得剛剛好，唔會太腍或者太硬，應爽則爽，應嫰則嫰！🤤
我最鍾意就係個炒豬潤，好嫰好粉呀，仲要夠哂鑊氣，同豉油既咸香完美配合，薑蔥有畫龍點睛既效果僻走哂我最怕個d 內臟既腥臭味，同埋講真已經好少地方有得食炒猪雜得黎咁高質啦！🫢
咁埋老細行開行埋，見我地係咁講好正，仲好好人咁同我地傾下計，佢話原來呢碟炒猪雜用左三隻唔同既猪既猪雜，我最愛既猪潤係乳猪到黎，猪粉腸都係（因為仲係飲奶，未開葷，所以唔會有怪味），唔怪之得我平時好怕有猪腸，一試真係意料之外地咁正。
而佢哋嘅招牌炒魚腩亦都非常出色，肉質鮮嫩多汁，帶有微微的魚香味，真係一絕！加埋啲蔥段同埋薑絲，更加增添咗味道。
平時唔太肯食魚既大仔都食左二大舊🤣聽老細講，佢地採用先煎後炸，封鎖返魚肉既鮮味，唔可以一嚟就猛火炸佢，或者好似而家好多餐廳為咗慳時間快出貨落好多生粉包一層直接炸，令成個口感差哂，仲好重生粉味。
聽完真係覺得真係好有心機對待每一樣食材，好欣賞佢哋！
另外，最鐘意飲湯既我叫左佢哋老火湯黎試一試。嘩！個湯煲一上檯係滾嫁，打開煲蓋，西洋菜陣味撲鼻而來，加埋夠哂真材實料既猪骨，湯底濃郁，滋味濃厚，成煲湯真係好舒服，唔夠我地分🤣 飲完令人感覺好溫暖。
由細到大都好鍾意食白鱔嘅我，見到佢哋好特別梅子蒸喎，梗係叫嚟試吓啦。
梅子醬唔單止酸酸地吊起白鱔鮮甜，仲去咁啲泥味，魚肉又夠爽脆，真係好好食，梅子蒸排骨食得多，原來蒸鱔一樣咁正，超鍾意呢個配搭！
最後一味菜都令我有驚喜，就係蓮藕炒豬頸肉，蓮藕爽脆不在話下，豬頸肉應該係有炸過再兜香，外酥內爆汁，初初諗緊係咩味咁特別，係南乳啊！
完全冇諗過可以咁夾，可能係我見識少囉！
我未試過係豬頸肉兜蓮藕原來加左南乳可以出奇地咁夾，成件事和而不同，配合得好好！
至於環境方面，粗菜館嘅裝潢簡潔而舒適，氣氛輕鬆自在，望住個裝修起碼都30年囉，真係有種返咗屋企感覺有種老香港嘅味道，如果你係遊客可以嚟試呢種難得保存咗咁多年嘅老香港味道，因為連我呢種住咗香港咁多年都深深留下好好嘅印象，呢種精緻屋企飯既感覺係其他餐廳俾唔到我。我係會再返轉頭㗎😏
題外話，當我喺附近其他九龍城馳名嘅餐廳食緊飯嘅時候，基於小妹個樣太為食，三位太太不停話阿妹食得好開心喎，一睇就知好鐘意食野😂😂😂
就開始左傾偈，作為一個唔專業既食貨，梗係問吓佢哋九龍城有咩好食🤤
佢哋二話不說就讚粗菜館，特別係我覺得好出色嘅炒豬什，我話我已經食咗啦，佢哋即刻話，嘩你咁識貨嘅，傾傾下先知原來佢哋移民咗加拿大好多年，返咗香港旅遊專登嚟九龍城回味過去！
佢哋仲以為我係遊客，純粹因為我新搬來唔熟路啫😂😂，同埋套用老公嗰句，我啱啱出冊（坐左月成個月）幾日咋😂😂
Post
