太平洋咖啡 (Closed)

原本去銅鑼灣行街係咗幫公司買聖誕禮物，行完 Franc Franc 見到咁大間 PCC 忍唔住食少少嘢抖下先。因為個氣氛實在太悠閒，一坐就三個鐘頭了，好耐未試過好似讀書嗰陣咁喺 coffee shop 坐成幾個鐘，如果唔係要趕住買埋啲嘢我應該可以坐到收舖。我哋兩個人叫咗兩杯嘢飲同三樣嘢食﹕一杯 Hazelnut Lattee、一杯 Matcha Lattee，兩杯味道都偏淡。薯角外脆內軟唔太鹹幾好食。牛肉批味道 OK ，但好滯，純粹想懷勉吓當年英國 Host 媽啲拿手菜。南乳雞翼好有驚喜!! 又脆又 Juice 一啲都唔油膩，跟咗兩個醬都好有特式，一個係柚子味沙律醬，一個係香辣醬，食落有少少似豆瓣醬味。呢個要重點推介! =]唯一美中不足係個洗手間好似成日冇人清理，女廁入面啲垃圾筒積到滿，其他都無得彈。