太平洋咖啡 (Closed)

sandwich is good for lunch,especially u want to save time.it contains no meat.only oat bread,cheese,tomato and lettuce. 食完其實唔太飽

一年容易又聖誕！雖然仲有半個多月，但今日已急不及待試咗焦糖薑餅牛奶咖啡、聖誕紫薯撻、雪花柚子芝士蛋糕同番石榴蛋糕。焦糖薑餅牛奶咖啡，薑餅味唔算好突出，保持一貫牛奶咖啡嘅味道，個人偏好紫薯味濃郁嘅甜品，加上開心果仁雲呢拿撻底，呢個撻雖然有啲滯但就好滿足。至於柚子芝士切開果然好多柚子，感覺清新不油膩……番石榴蛋糕震滕滕上碟，皆因慕絲融入奶凍中，同樣清潤不膩。

行完旁邊個超市攰攰哋，突然間好想食cake，諗都冇諗過就行咗入嚟。原本呢就想食cake嘅⋯⋯之但係一見到個Tiramisu杯就⋯⋯一杯子滿滿的～最上面一層又係滿滿的朱古力碎～👏🏻👏🏻wow！混合了少許的（酸酸的）紅色朱古力，紅黑酸甜比例啱啱好😋😋第二口再加埋tiramisu的主體！加分加分！嘆埋杯咖啡，好滿足！

有時女人就係咁麻煩，想飲朱古力奶，又想飲COFFEE。所以呢個咖啡界有呢個MOCHA係不錯既選擇，之不過。。。有時都會覺得不夠豐富，帶住朋友既小朋友(十幾歲)，佢話要飲埋一份，所以今日飲既係BANANA MOCHA因為怕苦但又要有COFFEE既味。。。。。無叫小甜，但亦不算太甜，香蕉味好清晰，朱古力味都好清楚，再有淡淡COFFEE香味呢個天氣，當然係飲凍架啦。但係像完有D 飽，好似頂住個胃，結果，兩粒鐘後都無肚餓

上個月增值有野飲送即增值左一次到今個月 會員折扣：8月buy one get one free .....如果好似我咁自己一個飲一杯茶叫tall size 就會自動upgrade 為 Grande……今日食完野溫書不二之選一定在這裡。勝在外賣多地方坐得舒服又吾迫。Persian rose $21....最愛飲佢玫瑰花茶，夠濃又夠香，而且價錢一點都吾貴，最細只需$21就可以飲到，師奶的我仲可以沖多一少杯也可以，溫下書都吾錯選擇

未夠12點約左個朋友係Pacific Coffee飲杯咖啡傾下計,再點左pork sausage roll 及 chicken & leek pie 當午餐。我地都係點mocha，平時我會要求加多shot咖啡的，但早餐已經飲左一杯咖啡，所以今次無要求額外一shot。Mocha的咖啡香帶著香甜的朱古力味，又香又滑，大大杯先滿呀！豬肉卷我覺得一向係Pacific Coffee穩陣之選，但今次唔合格，因為個肉饀太乾，一D肉汁都無，成件感覺死實實。雞批第一次試，但係並唔係我理想嘅味道。第一雖然加熱左不過內層嘅皮已經淋左，個皮亦無我想像中帶牛油濃香。饀料味道唔特出，有咸味但唔係個種白汁嘅濃香。不過，呢間Pacific Coffee Emporium真係好大間好開揚，坐係室內涼住冷氣望住街外陽光一邊嘆咖啡一邊傾計食野感覺好舒服。

同事有張信用卡可以買呢間咖啡買一送一，所以我地去左叫2杯matcha latte $33 ~抺茶味濃，甘甘地，抺茶粉係最頂，咖啡泡亦打得幾滑，又唔會太甜。但唔鍾意甘味既朋友可能會覺得佢苦、又無咖啡味。老實說，佢既環境比兜把星安靜舒服。

最近咁熱...係時候搵d地方hea吓...吹吓冷氣...降一降溫...今次嚟到pacific coffee旗艦店...可能係旗艦店嘅關係...有d食物同飲品種類會較為少見...order好食物就搵位坐...呢間咖啡店都幾大吓...整體佈置+氣氛都幾cozy...當日仲坐咗好耐添今次揀咗'荔枝乳酪窩夫配朱古力雪糕'雪糕口味可選擇朱古力、士多啤梨、雲呢拿...如果有聽過'movenpick'牌子...都知呢隻雪糕係有質素...及貴！presentation幾靚㗎！2個女仔share食就剛剛好個窩夫好食呀！一來好大份...二來係外脆內煙韌...！因為窩夫嘅filling係麻薯...！黃色嘅就係乳酪味脆脆粒...荔枝味糖漿...酸酸甜甜...淋係窩夫一齊食係match嘅！你頓時會覺得無咁漏...然後繼續ko成碟窩夫如果輪椅使用者想入去...就唔好係正門入...因門前有一級...行過少少就會見到有斜道...但斜道有少少瑕疵...你會見到塊ramp嘅盡頭仍然一小小小小小級...所以，手推 & 電動輪椅使用者記住減速慢少少駛入去...

香港兩大咖啡龍頭之一嘅太平洋咖啡 成日都覺得唔夠星巴克勁 所以多數都去星巴克之前睡意不斷於是係附近買左杯咖啡提提神先繼續做嘢 可能係好攰 又可能因為太眼訓 又可能因為佢質素本身唔錯 發現太平洋嘅拿鐵的確幾好飲 咖啡又香又濃 仲要好順喉 有少少奶嘅餘香 平凡得嚟有驚喜 係拿鐵嘅支持之下 醒腦醒晨 繼續做嘢

Saw this new lychee yoghurt chillano drink so I had to try it because I love lychee and I love yoghurt.The yoghurt was not strong enough because the lychee was too overpowering and sweet.

難得有空閑嘅時間，我去咗太平洋咖啡店買咗一杯茶坐下抖下。基於每一間咖啡店嘅茶都可以添飲（即係加啲水比你）所以我決定都係叫最細嗰個尺寸，即係英文嘅高杯，其實我都攪唔清點解英文叫做高杯但係又係最細嘅一種尺寸。佢嘅茶都又接近十種可以揀好，我就揀咗一隻叫做波斯玫瑰紅茶。一開始個杯好熱，要等好耐先飲到，玫瑰味都可以，但係唔算太濃， 個茶應該有咖啡因，飲完會可以有少少提神嘅作用，但係香又唔算非常之香，我覺得係普普通通，同出面自己買嗰啲唔係差好遠，好似冇咩特別之處貴就貴在個杯， 不過紅茶都算幾香既。不過一杯茶要買成21蚊我覺得有啲貴。添水大約添一次，第二次已經會冇晒味。

好耐之前食過佢既窩夫,覺得佢真抵食因為waffle不但外脆內軟,而且仲好有蛋香味再加上咁既價錢有2球movenpick雪糕真係抵到爛今次再去,waffle既款式同上次又唔同左啦,原來啲款式會成日轉咁真係要間唔中去食下先得今次揀左Nougat wafflewaffle上既鳥結碎少甜又脆而佢個醬原來係甜甜地既草莓醬,有驚喜呀!但就得番1球movenpick雪糕,呢個位有少少失望幸好水準依然都keep到!都仲對得住個價錢有餘

 這個12月最少已經來這裡四次了~每次都是和朋友開會~這晚又是還沒吃晚餐就直接過來了~所以要在這裡醫肚子  因為朋友之前說通粉那些是伏來的 >_< 所以沒選。Pork Sausage Roll ($22)這個豬肉腸加了很多辣的調味料！！還帶點香草的味道。配上外層的酥皮其實很香又惹味。Bacon & Onion Quiche ($28) 之前吃黑松露那款覺得味道怪怪~所以今次選回洋蔥、培根作餡料的蛋餅。果然味道正常得多XD ! 而且今次店員翻熱的溫度把握得很好~讓整個餅維持在熱呼呼的溫度，餡料的香味更濃~Chocolate Raradise ($39)不知道飲什麼好>< 又不想再飲咖啡的話，朱古力又再成為首選。不過今次的朱古力好似比上次淡?

不知道為何這天整日也不太舒服，早餐和午餐也沒吃到。但晚上答應了朋友要出外談事情只好相約在咖啡店~不過如果連晚餐也不吃話，擔心自己會暈掉~所以還是點了飲品和吃的Truffle Mushroom Quiche ($28)本來選擇就不是很多~最後決定試下這個。店員出餐前有稍微弄暖一點~不過始終還是熱吃才是最好的而且這個有黑松露~一切開就聞到濃濃的味道，但吃下去倒是很奇怪的Orz 要說的話我比較喜歡吃那批底 >__< ! 蛋味濃郁~~下雨就是冷了幾分，所以飲Chocolate ($39) 是不錯的選擇!打開蓋子~朱古力的芳香久久不散！！面層的奶泡讓朱古力保持一定的溫度。雖然不能說得上特濃～但最少已經被我自己在家沖的好飲得多^^~

工作過後的星期五，相約友人一同享受休閒的時光，選擇了這間咖啡店，這裡的客人不算太多，環境寧靜，適宜好好放鬆心情，享受緩慢的節奏。友人和我分別點了兩個窩夫，大致上都是相上的，只是雪糕配搭有些分別而言。窩夫原是一個圓形的形狀，店員把它們切開4塊，排列到一旁，大碟的中間位置放上一球雪糕，然後有少量香蕉片和忌廉，最後附送一小樽糖漿。窩夫的份量也不算少，剛好給我們還未吃晚飯的人品嚐，若果吃完晚飯再品嚐的話，自然會覺得份量有點多，是食不完的。窩夫表面灑上了糖霜，味道是甜甜的，所以我們只落少許糖漿便覺得足夠了。略嫌雪糕份量較少，令我們感到'不夠喉'，還想再吃而且窩夫再配合上忌廉，也是另一個層次的吃法，幼滑的忌廉加上脆脆的窩夫，雙重口感，值得一讚。配合上美味的甜品，寧靜休閒舒適的環境，令我們工作後，消除大部分的疲累。