麗島小廚 (Closed)

喺出面好多地方食雞煲，用嘅雞都唔需要好靚，因為個湯底嘅味道好濃，可以蓋過唔靚唔新鮮嗰啲肉嘅味道，所以真係冇諗過呢度用嘅雞會咁靚。今晚食椰子雞煲，雞肉同湯底分開上，另外仲有個椰青畀你倒落個湯底度，睇到都已經覺得好滋潤。滾起先飲頭啖湯，佢啲雞真係唔錯，肉質嫩滑有彈性。飲完雞湯食完一輪雞之後就打邊爐，我哋之後叫咗四樣嘢食，分別有蓮藕片、豬潤、竹笙同埋油麥菜，呢度嘅竹笙好靚，食落去好爽口同埋最重要係冇一陣噏味。