廣成冰室 (Under Renovation)

星期一男朋友請假陪我去玩。我哋去踩單車，由上水踩到元朗。難得黎到上水，無理由唔去廣成冰室朝聖下既。餐廳只有兩個餐﹕早餐同茶餐，同樣$42，我同男朋友岩岩好一人一個。早餐﹕牛肉通粉、熟蛋、鮮油餐包/菠蘿油、啡或茶牛肉通粉落左薑絲，牛肉幾腍。要左煎蛋，蛋黃係半熟架。菠蘿油夾住又厚又大塊既牛油，十分邪惡。菠蘿包口感鬆軟，菠蘿包個皮唔會腍晒架，脆脆地，不過如果可以整返熱個包就更正啦。熱奶茶普通。茶餐﹕牛肉通粉、雞蛋三文治、啡或茶雞蛋三文治夾住厚蛋，好吸引，厚蛋都好好味。熱咖啡普通。紅豆冰只可以散叫，超多軟綿得黎又大粒既紅豆，好多時吸管都吸唔到。