西餐大排檔 (Closed)

又西餐又大排檔究竟係咩概念？呢個只係頭盤，已經好豐富！當然，我忘記了呢個係咩蠔，不過我係勁中意食蠔，所以呢隻蠔夠大隻，我一啖食左，好滿足。鮑魚我好驚好難督開，點知同個殻自動分離，唔洗我操刀，方便好食。帶子幾特別，係面鼓湯味既汁浸住，幾有心思。蝦就無乜特別，尚算新鮮。叫左個乳鴿，上菜溫度夠熱，皮脆肉嫩，好耐無食過乳鴿的我表示呢個唔錯，唔會油膩。呢個黑松露湯菇湯不得不讚，本身我驚會飲到滯，點知勁香勁好飲，我想飲多碗，哈哈以為會好滯？黎多個黑松露年糕，年糕夠薄，好彩份量唔多，剛剛好。略嫌塊扒生左啲。因為係慢煮，所以比較生。我就叫餐廳幫我整翻熟少少呢份肉質比較難咬，但要讚下個伴汁，不錯最後有蛋糕做甜品，賣相幾靚。仲有酒飲，都算唔錯。