Video
Read full review
2018-11-09
774 views
想食西餐，諗起呢間冇食過就諗住試吓啦，點知就係中伏嘅開端。叫咗羊扒同埋乳豬，再加$50升級兩份餐，頭盤嗌咗蟹餅同埋煙肉撻，蟹餅都尚算正常，煙肉撻簡直係冷藏食品翻熱嘅，完全唔知食緊啲乜。好啦等到個主菜上喇，仲正，個乳豬連埋薯蓉加埋入邊啲紅菜頭都係一樣嘅味道，食咗兩啖已經唔想再食落去；於是等個羊啦，點知又漏咗單，但等到佢上又點姐，咪又係同個乳豬一樣味，完全係食到懷疑人生，到底係我味蕾有問題丫定係煮野嗰個味蕾有問題，到底點樣先可以煮到每一碟餸都用同一個汁同一個味道，今次真係同一個世界同一個夢想。好啦拿拿林諗住食埋個甜品就走人，完全唔意外又係一樣咁難食，我見到隔離枱一對情侶個男仔都係食到想死咁款，法式燉蛋甜得滯，個豆腐芝士蛋糕我都食到少少豆腐味但係一樣都係好難食，食咗兩啖都真係埋單即刻走。食餐飯等嘅時間仲長過食嘅時間，完全想像唔到點解可以食咗兩個鐘，你自己想像呢間野啲人手腳有幾慢啦。總之一句到尾，嫌人生苦悶得滯，想食下唔係人食嘅嘢可以幫襯，啊但係咁喎呢間野一啲都唔平個喎，咁就盛惠$537。p.s 隔離枱係食完主菜，個頭盤先斯斯然咁上，原來漏咗單完全唔知啲好評邊度黎，人唔笑狗都吠
叫咗羊扒同埋乳豬，再加$50升級兩份餐，頭盤嗌咗蟹餅同埋煙肉撻，蟹餅都尚算正常，煙肉撻簡直係冷藏食品翻熱嘅，完全唔知食緊啲乜。
好啦等到個主菜上喇，仲正，個乳豬連埋薯蓉加埋入邊啲紅菜頭都係一樣嘅味道，食咗兩啖已經唔想再食落去；於是等個羊啦，點知又漏咗單，但等到佢上又點姐，咪又係同個乳豬一樣味，完全係食到懷疑人生，到底係我味蕾有問題丫定係煮野嗰個味蕾有問題，到底點樣先可以煮到每一碟餸都用同一個汁同一個味道，今次真係同一個世界同一個夢想。
好啦拿拿林諗住食埋個甜品就走人，完全唔意外又係一樣咁難食，我見到隔離枱一對情侶個男仔都係食到想死咁款，法式燉蛋甜得滯，個豆腐芝士蛋糕我都食到少少豆腐味但係一樣都係好難食，食咗兩啖都真係埋單即刻走。
食餐飯等嘅時間仲長過食嘅時間，完全想像唔到點解可以食咗兩個鐘，你自己想像呢間野啲人手腳有幾慢啦。
總之一句到尾，嫌人生苦悶得滯，想食下唔係人食嘅嘢可以幫襯，啊但係咁喎呢間野一啲都唔平個喎，咁就盛惠$537。
p.s 隔離枱係食完主菜，個頭盤先斯斯然咁上，原來漏咗單
完全唔知啲好評邊度黎，人唔笑狗都吠
豆腐芝士蛋糕
15 views
0 likes
0 comments
Post
