雀越越南料理 (Closed)

有一次食完飯，行過見到呢間食店開業，見店舖裝修非常特別，店員亦都好好，知道我哋食完飯經過，都有好禮貌咁叫我哋有機會去試。一直都想去，今晚終於有機會喇~😉朋友仔就早前去咗，試咗午餐同滴滴咖啡☕，但試完就話麻麻地…我唔飲咖啡關係，所以唔評論喇~先講吓裝修先，見到真係好有心機💖，連門口頂部都加咗幾個好靚嘅燈籠裝飾，而一入門口嘅屏風及金色雀籠坐位🌟，就真係吸引到不得了，再望頭頂上嘅燈，都係用蓮花設計，再配合藍色牆身、不同嘅雀鳥🐦裝飾及店員嘅民族服飾，可見真的是花咗唔少心絲...入到已經令人覺得好舒服，充滿大自然感覺🌱😌食物方面，叫咗啲越南菜較常食嘅食物試，生牛肉湯河、炒通菜、豬頸肉、大蝦米紙卷及春卷撈檬。🍲生牛肉湯河啲湯有少少似腩汁湯底，本人喜歡放啲是拉差加撈檬汁落個湯到，令個湯變得有少少甜酸辣味，熱辣辣夏天就最啱~但如果有埋甜味是拉差就好囉~😛炒通菜用咗蒜蓉炒，炒完菜嘅色澤仲幾好，冇瘀色。豬頸肉燒得好適中，唔會過火燒到燶晒。大蝦米紙卷，份量剛好唔會大多檬粉，蝦亦幾好。🍜春卷撈檬味道亦唔差，春卷涵好多好好味，如果春卷是用豬網包就更加好嘞~P.S. 食完嘢不防多飲啲水，因為呢到嘅水係用班蘭葉沖泡