象泰 (Closed)

約個fd食飯，搵到屯門有呢間泰國嘢，未食過食吓先。之前以為呢個商場得返food court，原來仲有餐廳，想坐得舒服啲可考慮幫襯呢間，我哋仲有得坐卡位，都幾好呀！呢個時候仲會一人送一個口罩，好貼心。兩個人咩都想食，各自叫左自己想食嘅嘢，朋友想食招牌去骨豬手煲，賣相好似有啲肥，但又好吸引XD，食落幾好味，唔會太淋又唔會太un。我就叫咗招牌焗黃咖哩麵包軟殻蟹，賣相超正的說！超豐富，黃咖哩好match個麵包，軟殻蟹都好好味。叫咗個馬拉盞通菜，個味道幾好呀，不過有啲辣，有一吓我自己食到啲籽所以就狂飲水🤣🤣另外仲叫咗個小食拼盤，有雞翼、蝦餅、春卷、串燒，個人幾鍾意拼盤，咩都有啲，每樣食少少。而呢個拼盤都好足料，蝦餅春卷都好大件！好抵食。個人覺得唔算係屯門最抵食嘅泰國餐廳，不過呢個質素係值呢個價錢嘅！