YumMee (K11 Musea)

Open Now

Now Closed

前牌去咗K11 Musea行街街樓下food Court嗰層其實有好多唔同類型嘅餐廳見到呢間新開，佢集亞洲菜式於一身話所以啱晒選擇困難症嘅朋友。有齊港式、台灣菜，東南亞特色美食都有。我哋要咗兩個煮食套餐一個係馬來西亞肉骨茶另一個係海鮮喇沙，海鮮喇沙有少少辣辣地，用上咖喱椰汁做湯底，配料有魚蛋、青口同蝦，下面係配油面，湯底十分濃郁，份量都唔少。肉骨茶聞落去好香嘅藥材味，仲配上大大粒嘅蒜頭，用上一字骨肉質鮮嫩，真材實料，再加上豆卜同埋油炸鬼鎖晒啲肉骨茶湯汁，送飯一流。另外我哋都要左兩款小食一個係串燒同泰式串燒同埋酸辣鳳爪，估唔到味道都唔錯，酸酸美味10分開胃。嚟到東南亞點可以唔食啲特色甜品呢？我哋要咗個泰式芒果糯米飯同配上嬤嬤查查。呢款係東南亞嘅地道甜品其實係椰汁紫米再加上唔同嘅芋頭同紅豆，煙韌韌，價錢經濟實惠。芒果糯米飯，芒果香甜份量又多。