Video
Read full review
2022-07-22
84 views
最近工作十分忙碌，終於有機會去找下好地方同朋友食飯個人唔太鍾意去d人流好多的地方，e.g. MK...為左有一個好的空間，找左好一段時間，找到呢間近地鐵站同時個商場唔太多人的意日fusion餐廳環境真心唔錯，座位之間有足夠空間，周圍唔嘈而服務態度好，店員好樂意幫忙 (同埋見佢地個樣唔會係個d chur到得個殼個d咁)更值得一讚係... 佢有自助水區有soda水提供 (筆者好鍾意飲soda水)然後... 太耐無出黎食餐好，自然試多d野同食自己鍾意的野食啦~同朋友叫左一份煙三文魚凱撒沙律($118)、甜薯條($48)，仲有蒲燒鰻魚薄餅($128)野飲我叫左雲呢拿芝麻鮮奶($38)，朋友就叫左伯爵茶鮮奶($38)(細細聲講你知，佢有得揀全脂定脫脂奶😆)煙三文魚凱撒沙律($118)三文魚都夠多🤩，一開始見得3塊三文魚花以為好少，點知一個花都有2-3塊，都幾有厚度，佢的煙燻味唔會重口，沙律呢間沙律菜就幾種，唔算多，不過主要個菜幾好食，起碼有口感唔會似係度食空氣 (我一般好少叫沙律，主要係朋友想食)。佢的沙律汁酸甜度剛好。鍾意食沙律的朋友應該會覺得佢好食👍甜薯條($48)ummm... 比較少有的
個人唔太鍾意去d人流好多的地方，e.g. MK...
為左有一個好的空間，找左好一段時間，找到呢間近地鐵站同時個商場唔太多人的意日fusion餐廳
環境真心唔錯，座位之間有足夠空間，周圍唔嘈
而服務態度好，店員好樂意幫忙 (同埋見佢地個樣唔會係個d chur到得個殼個d咁)
更值得一讚係... 佢有自助水區有soda水提供 (筆者好鍾意飲soda水)
然後... 太耐無出黎食餐好，自然試多d野同食自己鍾意的野食啦~
同朋友叫左一份煙三文魚凱撒沙律($118)、甜薯條($48)，仲有蒲燒鰻魚薄餅($128)
野飲我叫左雲呢拿芝麻鮮奶($38)，朋友就叫左伯爵茶鮮奶($38)
(細細聲講你知，佢有得揀全脂定脫脂奶😆)
煙三文魚凱撒沙律($118)
三文魚都夠多🤩，一開始見得3塊三文魚花以為好少，點知一個花都有2-3塊，都幾有厚度，佢的煙燻味唔會重口，沙律呢間沙律菜就幾種，唔算多，不過主要個菜幾好食，起碼有口感唔會似係度食空氣 (我一般好少叫沙律，主要係朋友想食)。佢的沙律汁酸甜度剛好。鍾意食沙律的朋友應該會覺得佢好食👍
甜薯條($48)
ummm... 比較少有的薯條，我朋友好鍾意食「薯類」野🤣，包括蕃薯同薯仔。佢一見到就話要食。以小食類黎講佢叫幾合適2人以上食。薯條外脆內軟，更重要係佢係新鮮整🤩！(有d唔係新鮮整的真心好唔得！) 味道因為係蕃薯所以微甜🤔
蒲燒鰻魚薄餅($128)
呢個係我最推的😍😍！我個人最鍾意食野有新意，呢個薄餅明顯係意日fusion野！鰻魚的處理比有d日式餐廳仲做得好(必須無骨！👍💪) 蒲燒的處理明顯都花左唔少功夫，唔係個d連鎖店的lv，嫩口、入味、唔會過咸。薄皮脆口，薄餅選用薄皮，令整體加上脆的口感，再加上上面有滿滿烤香左的芝士以及一層鰹魚花增加左味道同口感的層次。令我覺得佢好的位係火候的控制。其應該係將蒲燒左的鰻魚放係準備烤的薄餅，放上芝士。佢同時控制好三者都配合得完滿就係我最為讚賞的地方！👍👍
雲呢拿芝麻鮮奶($38)
佢一黎到，我仲以為我叫錯左野飲🤣，藍色?
味道係滿滿的芝麻，因為係鮮奶所以佢係暖唔係熱，味道幾夾，兩者也唔會cover左另一邊。而今次出奇的係... 我最欣賞佢的位唔係好飲(雖然佢好飲)，而係... 佢的顏值足以讓我幫佢打個卡 😛😛
伯爵茶鮮奶($38)
我試左一啖幾重茶味，我覺得不錯，不過我朋友反而就話佢覺得茶味唔太出反而奶味出🤔🤔... 我都唔知邊個啱了，但個人覺得幾啱自己口味😆
煙三文魚凱撒沙律
$118
10 views
0 likes
0 comments
蒲燒鰻魚薄餅
$128
7 views
0 likes
0 comments
蒲燒鰻魚薄餅
$128
7 views
0 likes
0 comments
甜薯條
$48
3 views
0 likes
0 comments
伯爵茶鮮奶／雲呢拿芝麻鮮奶
$38
6 views
0 likes
0 comments
Post
