Video
Read full review
2021-11-01
104 views
係沙田想搵放題食選擇真係唔多，我地搵到哩間集放題、火鍋、鐵板於一身既餐廳，餐牌有三款價錢選擇，價錢係決定選擇既食物多與少關鍵，朋友睇哂三款餐牌既食物後決定選極盛放題。待應招呼我地坐低後便放低個環保過膠餐牌比我地自行選擇，朋友負責點食物，我就出去觀摩餐廳既即場鐵板燒食物及拎飲品，餐廳飲品分左凍同唔凍兩邊，兩邊選擇都好多，啤酒以至韓式飲品都有，凍櫃除左飲品外仲有雪糕及糯米糍選擇，作為飯後甜品岩哂。返到埋位朋友所點既食物巳經陸續出現，哩度既魚生好新鮮，重要係我地寫要幾多件就比足甘多件，魚生款式都好多款選擇，當中以白王豚、蠑螺、魚和劍魚比較少係刺身餐牌中見到，朋友見到眼睛發光，話要點多D黎食下。鐵板燒仲有貴價既廣島蠔及帶子可以點，兩者燒到岩岩，食落啖啖汁液流出，香濃又野味。羊架燒到燶燶地又野味，大大塊，咬落肉質唔韌又唔乾。待應突然放低兩碟擺放精美既切大蝦，我地印象無點過，待應告知我地係我地選哩個餐贈送的，突然有份驚喜感，雖然係贈送，大蝦咬落啖啖肉兼彈牙，加上剝好殼切埋，唔洗整污穢隻手。食到甘上下想食D濕下個口既食物，叫左個日式火鍋，小小的鍋中各式火鍋配料都有一些，仲可以有雞、牛或豬選配，迎合
待應招呼我地坐低後便放低個環保過膠餐牌比我地自行選擇，朋友負責點食物，我就出去觀摩餐廳既即場鐵板燒食物及拎飲品，
餐廳飲品分左凍同唔凍兩邊，兩邊選擇都好多，啤酒以至韓式飲品都有，
凍櫃除左飲品外仲有雪糕及糯米糍選擇，作為飯後甜品岩哂。
返到埋位朋友所點既食物巳經陸續出現，哩度既魚生好新鮮，重要係我地寫要幾多件就比足甘多件，魚生款式都好多款選擇，當中以白王豚、蠑螺、魚和劍魚比較少係刺身餐牌中見到，朋友見到眼睛發光，話要點多D黎食下。
鐵板燒仲有貴價既廣島蠔及帶子可以點，兩者燒到岩岩，食落啖啖汁液流出，香濃又野味。
羊架燒到燶燶地又野味，大大塊，咬落肉質唔韌又唔乾。
待應突然放低兩碟擺放精美既切大蝦，我地印象無點過，待應告知我地係我地選哩個餐贈送的，突然有份驚喜感，雖然係贈送，大蝦咬落啖啖肉兼彈牙，加上剝好殼切埋，唔洗整污穢隻手。
食到甘上下想食D濕下個口既食物，叫左個日式火鍋，小小的鍋中各式火鍋配料都有一些，仲可以有雞、牛或豬選配，迎合唔同口味既人，
我地兩個都食到超級飽，食物選擇款式多，滿足哂我地所有為食既慾望。
Post
