Video
Read full review
2020-06-07
186 views
如果要講到玩味濃而且中西合璧嘅咖啡店，今次我同大家介紹嘅呢間就最適合不過啦！自認係金庸粉絲嘅你，仲唔快啲起行！地點：咖啡店唔係位處於大街鬧市，環境較清靜。坐地鐵嘅你可以選擇係銅鑼灣站落，係時代廣場出口行大約五分鐘就會到環境：名稱叫笑林寺，你估就會係中式裝修？非也！環境整體係好西式咖啡店嘅設計，行灰灰沉沉嘅簡約風。而且唔會放太多嘅座位，空間較為寬敞舒適。而店主為左帶大家走入武林嘅世界，刻意加入唔少中式嘅元素，中式木枱、中式圓櫈同埋一個放滿成套全集金庸小說嘅書櫃！但有一點要彈就係啲中式枱會頂腳，同埋無得挨，坐就真係一般，呢樣真係好鬼中式🤭食物質素：一陽指（Latte)店員會好細心咁問你想要fruity啲定nutty啲嘅咖啡豆，最後我地揀左nutty!!果仁焦香味香濃，入口順滑，比較適合一啲少飲咖啡嘅人。咖啡用上左中式嘅茶杯，感覺氣宇軒昂，有如身處係古時嘅一間客棧，另有一返風味！玄冥神掌 （Cold Brew)如果話一陽指係氣宇軒昂，咁玄冥神掌一定係代表武俠之間果種豪邁奔放嘅精神！咖啡用左古時嘅酒瓶，務求令大家可以感受一下舊時武林高手係客棧對飲時候嘅情況！Cold Brew每日限量發售，de
地點：咖啡店唔係位處於大街鬧市，環境較清靜。坐地鐵嘅你可以選擇係銅鑼灣站落，係時代廣場出口行大約五分鐘就會到
環境：名稱叫笑林寺，你估就會係中式裝修？非也！環境整體係好西式咖啡店嘅設計，行灰灰沉沉嘅簡約風。而且唔會放太多嘅座位，空間較為寬敞舒適。
而店主為左帶大家走入武林嘅世界，刻意加入唔少中式嘅元素，中式木枱、中式圓櫈同埋一個放滿成套全集金庸小說嘅書櫃！
但有一點要彈就係啲中式枱會頂腳，同埋無得挨，坐就真係一般，呢樣真係好鬼中式🤭
食物質素：
一陽指（Latte)
店員會好細心咁問你想要fruity啲定nutty啲嘅咖啡豆，最後我地揀左nutty!!果仁焦香味香濃，入口順滑，比較適合一啲少飲咖啡嘅人。咖啡用上左中式嘅茶杯，感覺氣宇軒昂，有如身處係古時嘅一間客棧，另有一返風味！
玄冥神掌 （Cold Brew)
如果話一陽指係氣宇軒昂，咁玄冥神掌一定係代表武俠之間果種豪邁奔放嘅精神！咖啡用左古時嘅酒瓶，務求令大家可以感受一下舊時武林高手係客棧對飲時候嘅情況！
Cold Brew每日限量發售，default左係nutty，相比起一陽指，入口較為清新無澀味，飲完之後十分醒神，為辛勞左成個早上嘅我充返電！
一陽指
16 views
0 likes
0 comments
玄冥神掌
12 views
0 likes
0 comments
桃花島（煙三文魚卡邦尼意粉）
廚師刻意將煙三文魚切到好似桃花島入面嘅桃花樹，輕輕加上芝士，令到有種頭桃飄落感覺！
份量方面係超晒班，食到好飽！味道同一般出面食到嘅卡邦尼唔同，佢嘅味道較酸，而且芝士味太重，食完有啲滯...
桃花島
8 views
0 likes
0 comments
V草上飛（自家青醬蘑菇意粉）
雖然桃花島有啲失望，但呢碟V草上飛真係超級出色加番晒分！蘑菇嘅煎煮時間啱啱好，外面有少少焦香，而入面又會不會太熟，能夠保持著菇入面嘅汁！而自家青醬更係全碟意粉嘅靈魂所在！味道清新但又唔會太過草青味同埋太咸，而係十分之creamy!
極力推薦！
V草上飛
8 views
0 likes
0 comments
服務：職員十分細心，會主動問你嘅咖啡要邊隻味道同埋又會主動拎杯水比你試真啲食物嘅味道！另外佢地知道我地要打卡，所以刻意先上咖啡，等我地影完之後先上主菜，極之細心！
價錢：午餐呢講就真係唔算平價，意粉加黑咖啡都將近百元，要飲特式咖啡就要再加差額，但為左打卡同埋想飲高質咖啡，呢度好值得推介！
Post
