蓮 (Closed)

唔知點解，好似任何嘢喺IFC都會升價十倍，連一啲好普通嘅嘢都會突然之間變得好貴。有日約朋友食飯，佢話不如近近哋嚟依間，我一坐低已經知道出事。首先我坐嗰張枱係一個蓮花水池，我就心知依餐飯起碼有一半錢係食裝修。打開餐牌，基本上所有嘢食都要三位數字先落到樓，我最後勉強叫咗個全店最平嘅午餐，係生牛肉河搭春卷。講真，味道雖然唔差，但亦毫無特別。喺中環其他越南鋪食要五十蚊，依度就要盛惠百五。坐喺店內進饍，望住其他食客有洋人巨賈、美女OL，總係有種朱門酒肉臭嘅感慨。