MELLOW BROWN COFFEE by UCC

Open Now

Now Closed

下午時段仲係要拎籌排隊等位，大概等左三個字，坐係一人位都幾好，唔洗搭枱，不過等餐同飲品又係有啲耐，證明係新鮮整既，但如果趕時間食就唔建議黎了。其實我本身order肉醬意粉，但佢落錯單俾錯左我，雖然想食前者但聽聞後者都唔錯，又見佢員工做到踢晒腳，只係同佢confirm係咪落錯左order廢事計錯我數，照食啦！又真係唔錯既，隻蛋搞混同汁同意粉比例岩岩好，又有啲菇同煙肉食下，係個好完美既日式卡邦尼意粉。杯飲品應該係mocha類我唔記得叫咩，中規中矩，咖啡類係ucc飲如果有得彈都幾失敗下。雖然有人等位但佢都唔會強逼趕人走，食完睇下手機慢慢飲埋個咖啡先走，總之算係個接近完美既下午。啲甜品好似都唔少人叫，仲有個肉醬意粉食唔到，下次睇下有冇機會再試。