Video
Read full review
2021-07-14
9454 views
最初留意到呢間餐廳係因為以為佢地係一間任食海鮮蒸氣火鍋店, 專食海鮮, 太啱我了, 即刻搵老公陪我去食, 但之後再睇真D, 原來佢地既海鮮只有3款選擇(另加每人一份已經SET好左無得揀既海鮮)。我覺得九重鮮 是一間集合多國口味, 菜色同款式於一身的放題店。雖然我愛海鮮, 不過咁都好既, 唔使要老公就曬我, 雙贏🙌。加$13任飲非酒類飲品。(其實點解餐廳唔一早將飲品價錢計入套餐內呢? 埋單$650同$680既分別, 客人會覺得唔飲野會著數左嗎? 又有客人黎得食放題會唔飲野嗎? 製造了不必要的收費規則。)先來每人一份指定海鮮 - 帶子,鮑魚同龍蝦🦞, 3樣都好好味, 同樣厚肉鮮甜, 爽口彈牙啖啖肉。任食部份我地叫左汁燒七味雞軟骨串 - 呢個我最鍾意, 燒得脆口得黎又唔乾, 調味和火喉也掌握得剛好, 咸香惹味。韓式一口牛 - 牛肉當中我只推介佢, JUICY又唔韌。烤韓式牛扒同泰式烤牛肉都偏韌同乾。炸物方面食左吉列蠔同韓式辣醬炸雞, 同樣不錯, 炸粉唔厚, 新鮮有肉汁。煙肉蘆筍卷串 - 本身我唔鍾意食煙肉🥓, 但見老公話好味仲ENCORE再點就試一啖, 又真係無介紹錯喎, 煙肉燒得一D都唔乾
加$13任飲非酒類飲品。(其實點解餐廳唔一早將飲品價錢計入套餐內呢? 埋單$650同$680既分別, 客人會覺得唔飲野會著數左嗎? 又有客人黎得食放題會唔飲野嗎? 製造了不必要的收費規則。)
先來每人一份指定海鮮 - 帶子,鮑魚同龍蝦🦞, 3樣都好好味, 同樣厚肉鮮甜, 爽口彈牙啖啖肉。
任食部份我地叫左汁燒七味雞軟骨串 - 呢個我最鍾意, 燒得脆口得黎又唔乾, 調味和火喉也掌握得剛好, 咸香惹味。
韓式一口牛 - 牛肉當中我只推介佢, JUICY又唔韌。烤韓式牛扒同泰式烤牛肉都偏韌同乾。
炸物方面食左吉列蠔同韓式辣醬炸雞, 同樣不錯, 炸粉唔厚, 新鮮有肉汁。
煙肉蘆筍卷串 - 本身我唔鍾意食煙肉🥓, 但見老公話好味仲ENCORE再點就試一啖, 又真係無介紹錯喎, 煙肉燒得一D都唔乾硬之餘仲有肉汁, 蘆筍也很新鮮爽脆有水份。
覺得不錯的還有燒栗米🌽, 菠蘿🍍同韓國🇰🇷泡菜, 用料同樣新鮮, 食材本身質素好, 唔需要過份調味已經好味。
而最後的指定甜品- 焦糖布丁, 以放題店的甜品質素黎講好滿意, 雖然布丁唔算嫩滑但蛋香十足, 甜度適中, 感覺自家制。
其他就感覺普通, 尤其海鹽燒牛脷串, 無味, 肉質有D散同燒得偏乾。同埋任食嗰3種海鮮 - 海蝦, 海蜆同蠔, 新鮮程度一般, 味道較淡, SIZE也比較細無咩口感, 喜歡海鮮的我也沒有想要ENCORE。
因為九重鮮座位佈局的關係(幾張枱泊埋一齊成為一張超長餐桌), 覺得它們是一個非常適合一大班朋友家人聚餐的好地方, 大部份食物質素不錯, 用餐環境也舒適。
Post
