Meatüp Diner & Carvery (Closed)

估唔到而家喺荔枝角食lunch可以食得咁高級，呢一間餐廳嘅set lunch最平嗰個都要$88 ，當然有一個main course再加沙律或者餐湯，如果要飲埋野就有半價優惠，個餐係唔包嘅，呢啲價錢同中環或者尖沙咀區睇齊。我就叫咗蟹肉蘆筍意大利飯，我朋友就叫咗香煎盲曹魚柳拌乾蕃茄松子仁欖油配薯蓉，我哋兩個都要咗湯，個餐湯跟一小片麵包仔。蟹肉蘆筍意大利飯賣相好靚，蟹肉同埋蘆筍都好新鮮，味道唔錯，唯一缺點就係份量太少，我估就算女士食都未必夠飽。我朋友嗰個香煎盲曹魚柳半乾蕃茄松子仁欖油配薯蓉望落去份量大過我個意大利飯少少啦，我朋友話佢個魚柳都煎得幾好，皮脆肉嫩，啲拌碟蔬菜都幾好味，不過都係相同問題，就係份量太少，我哋嚟開餐廳嘅時候我都已經諗緊一陣下午茶食乜囉。