嚐糖

Open Now

Now Closed

嚐糖都開左有一排，成日經過覺得佢幾得意，但未食過，今次終於有機會食。嗰晚等左都有15分鐘左右，人好多。佢裏面嘅裝修好附合主題，餐牌係用習字簿，枱櫈係真課室嘅枱櫈，連野食嘅名都係用學校做主題改嘅。因為我勁中意食芋圓啦，所以就試左佢呢度嘅九份芋圓王($42)。賣相一般般，份量ok，雖然芋圓偏少，唔夠10粒，仲要係細個種，食落都麻麻地，因為唔夠煙韌，可能煮得唔夠耐，男朋友表示有d粉，唔太掂。全碗野得紅豆可以接受。總括黎講，雖然好欣賞佢地悉心嘅布置，但食物質素真係差d，呢樣真係主題幾有心都補救唔到，衰d講與其放咁多心思去裝飾，不如花多少少時間改善食物質素。價錢上四字頭一碗貴左d，外面一般廿幾三十幾左右一碗，而且質素below average，所以真係唔太抵。