德昌魚蛋粉

Open Now

Now Closed

呢間粉麵鋪除咗魚蛋粉麵亦有茶記野食。下午茶時段下午茶餐$37起，有三文治、西多、雞髀等。叫咗個豉油王雞髀（另外有炸雞髀揀）配薯條餐。雞髀望落size都OK,唔係好細隻，但配上既薯條會唔會可以多番d呢？數落真係廿條都唔夠，又細條，雖然食落係新鮮炸起，但份量咁少😢隻雞髀食落無乜味，豉油味唔夠，肉都比較「鞋」，得出面塊皮稍為有d味，成舊髀入面既肉都好啖，唔好食。杯奶茶就還可以，正常發揮。食食下，同一張枱對面搭枱既客人仲叫咁waiter黎，話佢叫個碗魚蛋河入面有條好長既頭髮，叫waiter換過一碗，即刻覺得呢間野都唔太衛生😨食過一次唔會再黎啦應該