Video
Read full review
2022-07-10
1298 views
在一個炎熱嘅夏天喺拉麵店門口，等待食拉麵真係一個煎熬。好在等待嘅時候係一個夜晚唔會好似晏晝咁曬。拉麵店非常近奧運地鐵站。一出到匯豐銀行大廈近門口就會見到呢一間大院拉麵店。入面嘅廚師都係日本人。記得等咗大概30分鐘左右就已經有得入去食，不過好在嚟得早，原來我哋已經差唔多係最後一台客人。喺拉麵店食完出嚟就見到佢哋擺左一個告示牌，話個湯底已經賣晒啦。入到去嘅時候見到店面好細，都係吧枱形式嘅裝修。所以其實張凳亦都幾高，而且每張凳嘅底亦都有個籃，可以俾客人放低自己嘅隨身物品。開放式嘅廚房可以令客人見到廚師料理既過程。喺排隊嗰陣時我哋已經點好咗要食個拉麵先。所以基本上係一入到去已經有得食，唔使等太耐。我點嘅一款就係白湯，當中成個拉麵係根據個圖片去製成。圖片真係可以當作參考非常開心。店內亦有提供嘅冰麥茶比客人自己斟嚟飲，如果客人要飲汽水嘅話就要加錢。湯底非常濃郁油光喺湯麵上面飄浮。中間擺放左一塊檸檬，所以我覺得有檸檬嘅加持，個湯底都尚算係清新。紫菜一共有兩塊、叉燒有三塊、蛋有半個同埋有大量嘅蔬菜。由於佢俾嘅麵非常足料，所以我食到一半已經飽左，剩低嘅個一半我要慢慢一啖茶一啖面咁樣食。個半熟糖心蛋有淡淡
拉麵店非常近奧運地鐵站。一出到匯豐銀行大廈近門口就會見到呢一間大院拉麵店。入面嘅廚師都係日本人。記得等咗大概30分鐘左右就已經有得入去食，不過好在嚟得早，原來我哋已經差唔多係最後一台客人。喺拉麵店食完出嚟就見到佢哋擺左一個告示牌，話個湯底已經賣晒啦。
入到去嘅時候見到店面好細，都係吧枱形式嘅裝修。所以其實張凳亦都幾高，而且每張凳嘅底亦都有個籃，可以俾客人放低自己嘅隨身物品。
開放式嘅廚房可以令客人見到廚師料理既過程。喺排隊嗰陣時我哋已經點好咗要食個拉麵先。所以基本上係一入到去已經有得食，唔使等太耐。
白湯拉麵
$88
32 views
0 likes
0 comments
我點嘅一款就係白湯，當中成個拉麵係根據個圖片去製成。圖片真係可以當作參考非常開心。
店內亦有提供嘅冰麥茶比客人自己斟嚟飲，如果客人要飲汽水嘅話就要加錢。湯底非常濃郁油光喺湯麵上面飄浮。中間擺放左一塊檸檬，所以我覺得有檸檬嘅加持，個湯底都尚算係清新。紫菜一共有兩塊、叉燒有三塊、蛋有半個同埋有大量嘅蔬菜。由於佢俾嘅麵非常足料，所以我食到一半已經飽左，剩低嘅個一半我要慢慢一啖茶一啖面咁樣食。個半熟糖心蛋有淡淡的豉油味，叉燒浸泡喺湯中，完全索足曬湯入面嘅精華。麵底我揀咗軟身幼麵，因為我一向都覺得咁樣嘅麵底係非常之入味。
食拉麵嘅精髓，就係要一啖配菜加少少湯，配上一啖面咁樣食，當然呢一個唔係硬性規定。而且我見到佢配料架嗰度亦都有其他嘅調味料，所以我都加咗少少蒜泥落去。
呢間拉麵店好有趣，唔單止有七味粉、蒜泥同芝麻呢一啲傳統嘅調味料，亦都有埋黑胡椒。我喺其他拉麵店就比較少見到有黑胡椒呢個調味嘅。同埋拉麵店亦都好貼心咁喺每一個調味架嗰度擺上一包紙巾。
食飽之後，就去咗埋單，回頭一看發現佢哋嘅裝修都幾有心思：
根據佢哋嘅員工講，原來呢啲裝修設計都係佢哋親手切出嚟。呢度既模型仲係由日本嗰度拎過嚟。可以睇得出佢哋對呢間拉麵舖真係落咗好多嘅心思。
收到張單之後，佢哋仲送咗一張印花卡俾我哋，貼紙相嘅漫畫圖案充滿着童真。我地一共四個人，今次每個人平均食咗$91。成間拉麵店充滿着驚喜同埋平凡嘅日常。驚喜在於，圖文相符，湯底好濃郁而且有少少鹹。調味料有新嘅口味可以選擇：黑胡椒。湯嘅中央有一片檸檬，有清新嘅感覺。
Post
