百分味川菜炒粉麵飯

Open Now

Now Closed

是日同朋友去食一間我好中意食既川菜小店。位於女人街既百分味 ，叫左每次黎都必點既麻辣香锅定麻辣乾鍋 ，今日仲叫埋酸菜魚 ！ 呢間既乾鍋係我最愛之一，因為真係炒得好有鑊氣，舊麻又唔會太辣，調味啱啱好，送飯真係一流。酸菜魚係第一次order, 估唔到好有驚喜喎！湯底冇另外加醋，酸味全部係來自酸菜，湯底鮮甜順喉，可以當湯飲。而且一份入面有好多塊魚肉，唔會話用大量蔬菜墊底，魚肉亦十分新鮮滑嫰。我地2個，一個話減肥，一個話冇胃口，結果將全部清曬，飽到頂上心口咁樣走🤭 雖然落完單等左成半個鐘先有得食，但佢重點係抵食，性價比高，埋單每人90幾蚊。有人話服務態度差，我自己就無遇到，唔係話好，但不過不失。