餃子縣餃子專門店 (Closed)

旺角成日咁多人，夜晚突然想坐低食嘢搵位都幾難，加上我又唔想吃太飽，朋友提議食餃子。椰菜木耳豬肉餃 $58見到佢有得揀純餃子，我就叫咗嘅菜肉湯餃。原來一碗都幾大碗，餃子隻隻超大隻，裡面豬肉同菜比例都幾均勻，因為菜好爽，增加了口感 唯獨係我覺得個湯鹹咗少少。煎餃+酸辣湯 $62酸辣湯份量仲驚人，超足料，最好係有好多滑豆腐，令碗嘢加咗少少清淡之味，本身酸辣味都好足，連朋友食到辣都係咁流鼻水，而且切絲都切到粗幼適中，呢個價錢絕對交到功課。佢個餐有跟多幾隻煎餃，脆就夠脆啦，只係太過油，未必個個接受到。