皇茶冰室 (Closed)

今日放工約埋同事去食晚飯，寒冷天氣最好就係食煲仔菜，我對羊腩煲特別喜愛，同事對食煲仔菜都好有要求，晚飯後佢都讚我冇介紹錯。雙冬枝竹羊腩煲$168大大煲羊腩在你面前沸騰起來，香氣四溢，材料豐富，每件羊腩 肥瘦均勻分佈，每一件都食到，刀工非常工整，羊腩柔柔韌韌，軟軟腍腍，放落口中，味道香濃 又多汁，不需點醬汁已經好可口，亦可加點些腐乳醬，帶出味道更濃烈，筍片爽脆清甜，冬菇索盡羊腩汁液非常滋味，多樣嘅配件都非常入味，同樣出色。鮮雞件$55 新鮮食材，零舍鮮甜，雞肉幼嫩，肥瘦適中，肉汁豐盛。肥牛＄55高質素嘅肥牛，雪花點點，只要在鍋內燙一燙，就可以很快地享用到，雪花肥牛肉質濃甜，軟綿嘅口感，好滋味。我地另外加配咗幾款配菜，價錢都好實惠，款式有好多給客人選擇。