丼瀛 (Closed)

之前見不少網上平台都介紹美食提及過「丼瀛」， 知道佐敦店以雙層爆丼為主打，好吸睛！ 所以便和朋友來試試看。 羽衣甘藍無花果黑醋沙律（$78） 羽衣甘藍係近年大熱嘅健康食品， 高纖通便減肥好處多！ 新鮮爽脆嘅羽衣甘藍和沙律菜， 加上香甜嘅無花果和藍莓， 再淋上酸甜開胃嘅黑醋汁， 作為前菜幾醒胃呢！😏 築地壽司杯（$168） 壽司杯賣相精緻， 有不同口味嘅5小杯：海膽、三文魚和三文魚子、甜蝦、吞拿魚腩蓉和魷魚， 一級級擺放得整齊， 另外還有壽司卷和磯燒鮑魚， 好豐富呀！ 其中最欣賞海膽、三文魚和甜蝦， 海膽鮮甜；三文魚魚油脂香；甜蝦幾大隻，鮮甜味美，不錯吃！👍🏾 鮑魚軟腍入味， 唯壽司卷略為遜色， 但整體來說性價比都算高，值得一試！😏 北海道海膽三色雙層爆丼（$168） 丼飯有2層高， 上層是以海膽為主題嘅丼飯， 三文魚子鹹鮮，吞拿魚腩蓉香甜軟滑， 北海道海膽鮮甜味美，不會水汪汪，夠新鮮！ 下層是海膽蒟蒻沾麵， 蒟蒻沾麵高纖低熱量，爽滑口感，又好掛汁， 三文魚子加上海膽汁，食落好creamy， 加上青瓜絲一起吃，食落無咁膩！