少爺18 (Closed)

去沙田整D嘢，搞掂最方便當然起新城市廣場食飯啦，其實主要原因係消費有泊車優惠。女友話想食海南雞飯，少爺18係不錯選擇，12:30去到，人不多，不用等位，原來午餐有雙重享受海南雞飯併喇沙，或者可以併肉骨茶，正，就叫二個套餐，加杯星馬特飲珍多冰熱帶森林（雜果賓治)，再加兩串沙嗲豬肉串燒，非常滿足！先說一說海南雞飯，份量足，海南雞啖啖肉，油飯就失色少少，不夠香，但喇沙就搶回不少分數，湯底香，濃郁，蝦肉甜彈牙，雖然細細碗，但滿滿的，份量足夠！沙嗲豬肉串非常香口，沙嗲汁好出色，夠香！總括食物完全高分，但服務質素有待改善，想要一杯水，叫2-3人都有回：等等，或沒有回應，但等極都冇。