滿屋廚房 (Closed)

呢間餐廳有幾種不同既菜式可供選擇，我覺得都幾特別，有東南亞、歐陸式、三文治、曲奇餅及雞蛋仔都有，幾特別餐廳有雞蛋仔食。呢排吾知點解成日食東南亞既菜式，我今次係食海南雞飯，呢味菜式係我至愛既。到上碟喇，呢碟海南雞上碟都幾靚，顏色都算幾好，仲有好似係海南雞官方指定既3種醬料配搭一齊上。呢度係跟油飯，吾係比白飯你既，油飯可以話同海南雞係絕配啊。等我睇下雞肉如何先，都係滑嫩既，雞肉都算厚肉，而且雞皮都係分離的，呢下實係指定動作啦。當我試食一啖雞肉，又幾好味啊！火候煮得剛好，滑身既雞肉，再配下有少少酸既醬汁，真係完全發揮到海南雞既味道出來，值得大家一試既。