大車特色小食

Open Now

Now Closed

黎開荃灣做野，去反之前食過幾次既柴灣角街食晏，今次想食勁大豬扒飯，所以揀左大車，個餐牌無乜唔同，都係揀舊扒，再揀個汁咁，但今次上到枱，個豬扒飯記完全變左另一個樣,之前係兩件咁大大件豬扒鋪係飯上面，又平又好食又有特色，而家就變左一件細好多既厚豬扒，放係飯旁邊，望落就精緻過以前，可能想走高級少少既西餐路線，但就無左個特色。煎豬扒飯配蔥油豬扒係厚切，兩邊煎得金黃，肉質有d鞋，個蔥油反而唔錯，好香，但配薄扒會夾好多。熟食中心咁樣六十幾蚊一份略貴。朋友既煎雞扒飯，都係配蔥油，雞扒就同以前差唔多，底面香，微脆，肉質滑。