大車特色小食

Open Now

Now Closed

Good and clean environment in there, serving in coffee and western food which is amazing and reasonable price.Especially I like to enjoy a cup of coffee in there, because they do coffee as my special offer which is matching my uniqued taste. Thanks so much and i will be usually to go there during have free.

大約一年多前開始食大車，開頭都幾好食，材料新鮮，價格對比其他排檔少偏貴，但可接受一分錢一分貨。直到前排有日話裝修，之後就大獲。首先大幅加價，短短一年內食同野飲都加咗唔少。外賣仲要收三蚊？假如你嗌個煎雞扒飯飲凍飲外賣嘅話係55+12+3=70。食排檔食你七十蚊你敢信？其次轉咗人收錢 ( 原本係個仔收錢，轉咗老豆收) 之後成日寫錯單 仲幽你一默咁好心落好單先有次我想加一隻雞蛋佢話要收你十蚊 加油菜要收四十 貴過商場裏面嘅餐廳裝修後多咗好多嘢飲選擇 但係其實食得排檔嘅我都唔預計要用$40買杯咖啡 可能其他客ok啦所以之後已經少食咗好多 要食就自己帶水落去飲 點知今日落去食又話新年冇得散叫 一定要跟餐題外話就係之前比較便宜既選擇係雞扒多士 叫做有雞扒又有蛋沙律 加兩塊烘底麵包 叫都係55。買多幾次之後突然間又同我講話午市唔做。。。。總括就係唔推薦 貼錢買難受 越嚟越難食越嚟越貴 態度唔好 搞到好似好高級 失去初衷 我比咗好多次機會 希望佢哋回頭是岸

永遠都唔會再幫襯話說依間野本身都好地地，裝修完重開，食物質素每況愈下。本身個飯加凍飲收10蚊都算貴，裝修完加到12蚊，仲要依家過年話唔比單叫個飯逼人加飲品，食個飯收60蚊。咁我問句：冇得剩係叫個飯啊？ 個收銀答我：得啊，照收一樣錢之嘛！味道冇特別，塊豬扒仲細過我手掌，杯凍檸茶淡到冇茶味，一睇就知唔係用茶膽沖，淡黃色，成杯檸水咁！之前試過叫個粟米餐肉飯。本身諗住佢好似粟米肉粒飯。點知一個35蚊嘅飯，係一個麥當勞粟米杯，咁嘅粟米倒落個飯再加餐肉碎，連汁都冇，啲餐肉砌返埋應該半塊餐肉都冇。錢就想賺盡，質素就差嘅餐廳永遠都唔會再幫襯。

以前食開覺得係附近最新鮮健康嘅選擇，就算價錢貴都依然會返去食個煎雞扒。以前個餐有雞扒有蛋有多士有沙律$55，到後期成日話做唔到，冇左多士同沙律都照收同價，外賣都仲好意思照收多你3蚊添。但係近排個雞扒又乾又硬，比以前難食左好多😨而家啲嘢又難食，又貴老闆態度又差真係唔建議去食。次次食親一肚氣，感覺行親入去就要俾佢屈錢。今日初7新年期間其他檔口冇開，又要屈你食新年餐，嗌碟生菜加少少豉油都收你$40，絕對係貪得無厭賺到盡。

早排重新開張， 試過杯咖啡， $2x蚊 以為算係咁始終你熟食中心收呢個價點知難飲到傻左咁今日再比多次機會試下個早餐啦$36 榨菜烏冬 有2隻蛋加多士但係無野飲！！！ 想要野飲另叫減$10嘩多謝哂 貴到咁最後老闆話$39嘩個3蚊邊度計 ， 佢話係外賣盒因為用環保物料喎 要加3蚊嘩我真係無諗過自己可以咁環保要比多3蚊拎到返公司食 除左難食我都唔知講咩好 我比左兩次機會呢間野 但真係無第3次啦呢度荃灣西熟食中心唔係中環呀

蔥油豬扒飯（$55）份量冇以前咁大件以前豬扒大件夾抵食大件到差吾多見吾到個碟😂雖然依家份量細咗 但對我一個女仔嚟講都足夠飽食嘅時候一定要倒上蔥油汁香脆嘅豬扒配上蔥油香味簡直絕配🤙🏽🤙🏽——————大車特色小食 (荃灣)荃灣柴灣角街4A號柴灣角熟食市場地下20號舖——————

香煎雞扒飯佢比平常茶餐廳貴，但足料、肉感肉汁樣樣有，食完後明白點解貴咁多都有人食。最好食應該係雞扒飯吧🙈吉列豬扒飯大塊 但肉汁冇雞扒咁多 ，對比之下 真喺差少少，但佢嘅肉都喺好大塊 。啱曬晏就去食嘅餐廳。

為紀念堂食的不辭而別，特登去大牌檔(空氣流通嘛)哀悼一番。來一碟黃咖喱牛腩飯，因為我鍾意食咖喱，亦因為佢夠貴，唔會伏啩。典知道咖喱汁孤寒得很，幸好唔好味，甜得滯。唯牛腩算夠份量，亦夠腍。大牌檔嚟講，佢都夠惡喇，冇冷氣都收我$65，嘥冷氣?

成日聽啲同事食晏時會去柴灣角熟食市場，今日有朋自遠方來同我食晏，對方又建議去啲有室外嘅地方食，我第一時間就諗住試吓呢啲喺香港謹存嘅熟食市場。一去到，冇咩搵食邊間，而且呢間就係第一間舖，所以我同朋友都取其就腳，坐低咗。坐唔夠10秒，有個阿姐走嚟係咁催我哋叫嘢食，目測當時呢個檔都係得4檯客，我哋話睇睇先，佢又唔行開，企喺度不停口叫我哋食呢啲、食嗰啲。喺咁煩嘅情況吓，是但叫咗青咖喱雞扒飯、凍檸茶。（阿姐仲即時話青咖喱好辣㗎喎。我答佢青咖喱就係要辣先好食嘛！）朋友都冇時間諗所以都係是但叫咗餐蛋飯要豉油汁同凍齋啡。個碟頭青咖喱雞扒飯，汁稀....呈透明狀嘅玻璃芡，食落完全冇咖喱嘅味道，更加別說辣。雞扒乾夾硬，仲要冇味。飯質有如比較乾身糊仔，飯粒已經唔知放咗幾耐，比正常飯粒大，好似浸到發咗咁。成碟嘢....汁、飯同雞扒都係凍嘅，暖都唔暖吓，冇味。真係差到一個點。朋友食嘅更加不值一提，都係一個字凍！我就奉勸各位，可以不試。

被放飛機, 皆因朋友要參與Speed Dating. 先前一直是wait list, 忽然有位.咪住先! 乜呢D約會唔係夜晚咩? 原來, 要裝身. 人靠衣裝, 一向不修邊幅的苦榮突然醒覺. 局住食自己. 一條麻甩佬唔走太遠, 在附近大牌檔的大車坐下.大過塊面的雞扒, 脆卜卜的雞皮, 嫩滑的雞肉, 好送飯的黑椒汁, brilliant. 被爽約, 焉知非福.凍奶茶走甜, 慢慢地苦榮習慣了苦澀的感覺, 冇乜大不了.苦榮繼續煩惱著那段糾結的關係. 與此同時, 也希望朋友找到真愛.  

之前見朋友來呢到食既圖幾吸引，咁啱屋企過來呢到都近，今日就試下佢。叫左個剪雞扒一丁同埋香茅豬排飯。先講下佢個雞扒一丁，雞扒係正既，皮剪得非常脆身，而雞扒本身都保留到肉汁，可惜既係一丁非常唔掂，原因有二，第一佢個麵唔係落爐煮，只係用熱水拖一拖過，所以呢個口感係極差，第二就係佢勁多水但就用返一包味精粉，所以極為淡口，只論一丁來說真係以後不吃。另一個香茅豬排飯就非常妙啦，首先豬排超濃香茅味，讚👍🏻，之後白飯就係正常，但配搭埋佢個蔥油䜴油就非常惹味。價錢方面就真係比較貴，大排檔午餐要$58，不過味道方面係可以去一去，或者經過附近都可以一試。

黎開荃灣做野，去反之前食過幾次既柴灣角街食晏，今次想食勁大豬扒飯，所以揀左大車，個餐牌無乜唔同，都係揀舊扒，再揀個汁咁，但今次上到枱，個豬扒飯記完全變左另一個樣,之前係兩件咁大大件豬扒鋪係飯上面，又平又好食又有特色，而家就變左一件細好多既厚豬扒，放係飯旁邊，望落就精緻過以前，可能想走高級少少既西餐路線，但就無左個特色。煎豬扒飯配蔥油豬扒係厚切，兩邊煎得金黃，肉質有d鞋，個蔥油反而唔錯，好香，但配薄扒會夾好多。熟食中心咁樣六十幾蚊一份略貴。朋友既煎雞扒飯，都係配蔥油，雞扒就同以前差唔多，底面香，微脆，肉質滑。

今日下午請咗假,趕住去覆診所以冇煮lunch，同阿姐落咗樓下大排檔食豬扒飯，佢喺度做咗咁耐，竟然從來冇食過大車嘅豬扒飯。其實每次都係得我同另一個同事去食，佢都唔去！我同同事係叫會煎豬扒同炸豬扒share,但我阿姐唔食炸嘢，加上老板力sell佢個號稱每日只賣10份嘅菲力豬柳，所以佢揀咗豬同雞各一，又睇下係咪真係咁好食?!!香煎鷄扒飯配黑椒汁鷄扒size幾大，可以遮晒成碟飯。鷄扒香煎過肉質都唔算鞋，調味適中。飯同汁嘅比例剛好，佢呢度d飯係比較多汁嘅，所以再要佢多汁係要加錢㗎!菲力豬柳飯配茄汁呢個賣相唔錯，一睇以為去咗西餐廳，絕對唔似係大排檔出品。佢比豬扒飯仲要貴5蚊，除咗碟飯多咗堆小草，另外就係果舊號稱每日只做10份嘅菲力豬柳。老板話做菲力豬柳功夫十足，同平時食豬扒唔同，食過就知喎!咁佢又的而且確同平時大車豬扒飯肉質、口感都有分別~菲力其實係豬腰肉(腰內肉), ，由於呢個部位嘅肌肉唔係負重肌，結締組織比較少所以肉質比較軟嫩，整菲力豬嘅時候，通常會加塊煙肉圍住一齊煎， 目的係加重味道因為豬腰肉雖然嫩，但肉味欠奉，所以要加d嘢附助下。可以一試！

雖然它位於有線大檔，卻是TVB御用大排檔／路邊邊爐店拍攝勝地，但其實老是賣西餐。大車是大檔中最貴，午餐五六十蚊，絕不便宜，所以在附近工作了整年都只吃過一次。上一次食朋友推介的香煎豬扒飯配香蔥豉油汁，記憶中有兩大塊，煎得香脆，香蔥汁頗有越式風味。現在標明不用巴西豬扒，可能因此來貨價貴了，要$60，包冷熱飲品，於是這次點了平一點的雞扒，$50。雞扒一大塊，香蔥豉油汁上次是淋在飯上，今次用小膠兜上，份量少了，還好剛好夠送飯。飯是珍珠米，粒粒分明。日替今天有肉醬意粉，$50，意粉是一般港式茶記那種煮得粗粗爛爛的，份量也很少(但我看到旁邊桌時份量是我們的兩倍)，碟也崩，肉醬也很少，像素蕃茄意粉，全靠那幾條菜苗賣相才好一點。很多黑椒，糖味重。

記得最初喺呢頭返工，我係有同同事出街食lunch，但公司比較偏僻，所以最近除咗有線樓下嘅串咀茶仔，就係大熱天時唔會想去嘅柴灣角街大排檔!呢個豬扒飯真係經典，大家睇下佢嘅質素同價錢嘅進化過程!>>>版本1.0(大約2011年)~厚切豬扒配珍珠米 ( 45 蚊 )>>>版本2.0(大約2013年)~薄切豬扒配普通米 ( 55 蚊 )***我食過一次就冇再食!>>>版本3.0(2017年) 厚切美國Farmland豬扒配珍珠米 ( 60 蚊 )***睇到openrice 嘅編輯推介評語吸引我再次幫襯!星期六放工約埋個同事一齊去食，之前都係我哋兩個去食嘅，所以大家都經歷過以上嘅進化。Lunch time 原來只提供飯(冇得轉意粉)，你可以隨自己喜歡選醬汁，有辣有唔辣!除咗以下呢個menu，仲有一個粟米斑塊飯，肉醬意粉同素菜意粉，好似大約50蚊。其實佢唔算特别好食，份量唔算多，環境一般又冇冷氣，夏天你唔會願坐得太耐，以大排檔嚟講佢都幾貴!不過我哋今日係星期六，冇乜人咁啱又陰天加大風，坐得都算舒服。原本想食嘅豬扒出前一丁或者多