Video
Read full review
2021-03-07
59 views
*永遠不會令人失望的雞湯*今次唔係第一次食金鶴，雞湯拉麵真係行內數一數二；有日經過見到今期做軟殼蟹主題，friend子係軟殼蟹控， 所以帶佢見識下世界😎雞白湯拉麵水準依然維持高質！湯底仍舊濃郁，即使開咗好幾間分店都冇降低質素，抵佢持續人氣高企！慢煮雞柳不用說，依然是很嫩滑，俾初次幫襯金鶴嘅friend子試一啖，佢都話未食過咁精華嘅雞湯拉麵，仲一口氣飲咗我半碗湯😑！！另外有一個私人發現係：胃口差啲嘅時候飲碗雞湯好好多，其實適逢食個日無乜胃口，飲完個雞湯即刻成個人舒服曬。今次要介紹下軟殼蟹拉麵，因為我自己麻麻地蟹類，但friend子就讚口不絕，首先湯底是微辣的，另外再配一碟辣粉，如果覺得唔夠難可以自己調整；第二，隻軟殼蟹有手掌大隻同好厚肉！坊間少見！之前見過其他軟殼蟹真係得個殼，裏面冇乜肉，金鶴的軟殼蟹一咬開係啖啖肉！超乎預期呢！拉麵仲有配燒五花腩，不得了，將油脂嗰層燒到煙煙靭靭，而唔係成啖油個種淋，有咬口之餘又覺得唔會太肥膩，同時保留豬油香，仲有成兩大條咁多，呢個燒五花腩真係加分不少！軟殼蟹拉麵嘅湯底都係比較唔同，由於試唔出係乜嘢材料，於是好奇問店員，湯底由三種結合而成包括辣醬、豬骨同鰹
今次唔係第一次食金鶴，雞湯拉麵真係行內數一數二；有日經過見到今期做軟殼蟹主題，friend子係軟殼蟹控， 所以帶佢見識下世界😎
雞白湯拉麵水準依然維持高質！湯底仍舊濃郁，即使開咗好幾間分店都冇降低質素，抵佢持續人氣高企！慢煮雞柳不用說，依然是很嫩滑，俾初次幫襯金鶴嘅friend子試一啖，佢都話未食過咁精華嘅雞湯拉麵，仲一口氣飲咗我半碗湯😑！！另外有一個私人發現係：胃口差啲嘅時候飲碗雞湯好好多，其實適逢食個日無乜胃口，飲完個雞湯即刻成個人舒服曬。
今次要介紹下軟殼蟹拉麵，因為我自己麻麻地蟹類，但friend子就讚口不絕，首先湯底是微辣的，另外再配一碟辣粉，如果覺得唔夠難可以自己調整；第二，隻軟殼蟹有手掌大隻同好厚肉！坊間少見！之前見過其他軟殼蟹真係得個殼，裏面冇乜肉，金鶴的軟殼蟹一咬開係啖啖肉！超乎預期呢！
拉麵仲有配燒五花腩，不得了，將油脂嗰層燒到煙煙靭靭，而唔係成啖油個種淋，有咬口之餘又覺得唔會太肥膩，同時保留豬油香，仲有成兩大條咁多，呢個燒五花腩真係加分不少！
軟殼蟹拉麵嘅湯底都係比較唔同，由於試唔出係乜嘢材料，於是好奇問店員，湯底由三種結合而成包括辣醬、豬骨同鰹魚，配合得不錯㗎~ 不過當日狀態麻麻地嘅我都係鍾情雞湯多啲😜
Post
