金鶴拉麵 (和富道) (Closed)

拉麵控鐘意食不同味道不同湯底的拉麵，呢間拉麵打正旗號最出名係雞湯，網上見到食評唔錯一於外賣回家試吓外賣好細心麵同湯係分開上，返到屋企啲麵都唔會變淋，單點拉麵幾十蚊都有，但一個套餐二百幾蚊有兩碗拉麵，兩個小食同兩杯飲品，好似套餐抵d拉麵好味喎，有咬口，湯底超正無豬骨湯咁油膩，但味道依然好濃郁，雞肉好滑好嫩，仲有成4-5塊咁多，再加塊义燒勁大塊超誇張，成碗麵好足料，食完勁飽。小食方面我哋點左煎餃子同炸雞，不過不失，不過食得出真係新鮮炸起，外脆內軟，唔係返炸無限次個d硬石頭雞。2百幾蚊一餐咁高質的拉麵，絕對可以encore 食完再食。