麵道 (Closed)

石門地鐵站一出就見到嘅拉麵店，由以前荃灣分店開始食，但之後結業都keep住去石門分店食。 雖然麵道店舖唔算大，但係就算要排隊都好快有得入。雞叉燒溏心蛋雞白湯拉麵（$80）我次次都係食「雞叉燒溏心蛋雞白湯拉麵」，湯底可以揀淡、中、濃，一定揀濃湯無誤！飲得出落咗好多雞骨落去煲，濃得嚟唔會好鹹，亦唔會好油。至於麵就揀硬麵會好啲，因為麵條比較幼，食食下比較快淋，但因為湯底好味都唔會太影響。雞叉燒其實啫係雞肉，表面有用火槍輕輕灸燒過，食落唔滑唔鞋，雞味唔重，相對比較失息。值得讚溏心蛋每次食都做到溏心效果剛剛好，另外竹筍份量都唔少。食到一半味蕾覺得悶悶地，可以問店員拎蒜頭加入湯底會更好味。之前揀咗辛口，我覺會破壞咗個雞湯味。追加配料：備長炭燒烤叉燒（$18）叉燒都有用火槍灸燒過，好淋好香豬味！如果可以雞湯配豬叉燒就完美了燒餃子（$25）煎得香口，味道正常。