阿鴻小館 (Closed)

生日同屋企人食飯，菜式特別享受美滿嘅一餐。雞湯花膠扒最為難忘，花膠非常厚肉，雞湯濃郁，店長介紹先用母雞熬湯，雞殼丟棄，用另一隻新鮮雞熬20分鐘上枱，雞肉滑到不得了。冰鎮咕嚕肉中間有麥芽糖擺設，小朋友博爛佢盡興，大人亦食盡懷舊味道。韭菜鵝紅煲，第一次食鵝紅，非常美味，口感比豬紅好，應該唔係好多地方有得食，非常難得。鮑魚扣鵝掌非常入味，軟硬適中。蟠龍老虎斑拆骨起肉，配上絲瓜又滑又爽口美味。 最唔顯眼嘅豆苗竟然有驚喜，雞油炒豆苗，非常香口嫩滑。竹炭豆腐、荔枝蝦丸都係阿鴻小館特色菜，已經第二次食，小朋友最鍾意這兩味菜。