烚時・滾動 (Under Renovation)

太子區數埋都差唔多20間打邊爐，老婆話想食椰子雞湯嘅邊爐，上網搵一搵今次就去試吓呢間「烚時．滾動」，勁近地鐵站出口，一分鐘到達，交通非常方便。Menu 選擇好多，而且有得食刺身同埋河鮮。「椰子雞煲」椰子雞湯非常之清甜，雞肉又新鮮嫩滑，放埋雞肉落去滾幾滾雞味再提升！正👍🏻👍🏻「美國頂級手切肥牛」一上菜嗰吓心入面「嘩」咗聲！牛肉嘅油脂豐富仲分佈得好靚，而且一啲都唔簿切，牛味同口感都好正！食到舔舔脷😋「蟹子蝦滑、墨魚滑」雙拼難得有地方可以雙拼蝦滑同埋墨魚滑👏🏻兩樣我都咁鍾意食，份量都唔少又滑又彈牙😁「脆鯇魚片」其他舖頭嘅鯇魚片多數細細片，但係佢哋嘅鯇魚片全部都大大塊，鯇魚肉肉厚彈牙，相信一定滿足晒鍾意食鯇魚片嘅食客。「萵筍、娃娃菜」新鮮嘅蔬菜但係特別要讚一讚佢哋嘅萵筍又甜又好食！最後感謝職員請我哋食咗少少「牛柳粒」同埋「炸響鈴」，兩樣都好好味，成餐晚飯好滿足！兩個人平均消費$320左右（但係勁飽嗰隻）😝好過去食連銷店啦，食材新鮮質素有保證。