阿四快餐 (Closed)

今日假期第一日，出左去尖東行街。去到Uncle 4，就上左去睇下有無卡位，有就比個機會佢，試下有咩好食。今次我地就點左，黑椒什扒配炒飯(咖哩汁) $70 及海南雞飯 $58。黑椒什扒包括: 豬扒，雞扒，腸仔，火腿，可以跟炒飯或意粉。炒飯加上咖哩汁好吃。咖哩汁好大碗另外上很不錯。不過豬扒好乾，不好吃。雞扒同樣很麻麻，一樣乾爭爭。無估錯既話，應該係先用熱水煮熟，再煎兩下就上枱。所以最好食係個飯同腸仔。海南雞就麻麻，鞋颯颯，無雞味。我最鐘意飲忌廉湯，忌廉湯好飲夠濃，中湯都算不錯。