半島漁港/阿翁火鍋館 (南昌薈)

Open Now

Now Closed

今日同朋友去南昌行街，行到攰攰哋，天氣又突然轉涼，梗係要打邊爐暖吓身啦！🍲 我哋去咗南昌薈嘅半島漁港/阿翁火鍋館，無限時任飲任食。一坐低，嗌份雞煲，之後餐廳就送上每人一份炆鮑魚西蘭花。鮑魚炆得入味，彈牙爽口；之後就到刺身拼盤，有三文魚、帶子、蝦同赤貝，新鮮厚切，好滿足！而海鮮拼盤都唔少嘢，有蟶子、生蠔、鮮蝦、蟹、墨魚，全部都好新鮮。打邊爐我一定要食牛，呢度嘅牛頸脊，油脂分佈均勻，肉質鮮嫩，牛味濃郁。另外至尊水餃皇皮夠薄，蝦肉爽口彈牙！任食區嘅嘢食真係琳瑯滿目，有各式各樣嘅丸類、海鮮、肉類、餃子、蔬菜同埋麵類，例如青口、美國雪花肥牛、墨魚滑、響鈴、炸魚皮、公仔麵等等，而飲品方面都好多選擇，有汽水、啤酒等等。整體嚟講，餐廳環境舒適，食物質素高，下次會再嚟！