Video
Read full review
2017-06-29
1025 views
雞煲興起源於約10年前，還記得當年除了正職外，還有一份副業就係食譜翻譯，當時的老闆算係第一代雞煲引入者，其中一間舖在佐敦，我亦親身試過，味道不錯。直至現在，坊間的雞煲店舖開到成行成市，證明很多香港人都係喜辣。今日到附近一間雞煲試試，因平時經過，都嗅到香濃的麻辣味，每次行過都令人口水直流，食指大動。$168/位雞煲加火鍋門口有個兵馬俑及古色古香的屏風店內樓底高，可能是舊樓的關係，放工6:30到達，已有幾枱客人。有多款餐前小吃，包括拍青瓜，蒜泥白肉，鷄腎，煙鴨胸，春卷，鹹菜豬肚等等。拍青瓜好爽口及開胃，蒜泥白肉就自己混醬配搭落去。雞煲可以選擇麻及辣的程度，適合大眾口味。自助醬料吧，有生蒜蓉、葱、辣椒、辣油、豉油。任飲飲品包括啤酒，可樂，道地茶系列等任食韓式雪條我們點了個麻辣雞煲，因我不太吃辣，所以只選擇少麻少辣。雞件醃得入味，雞肉炒得香口及嫩滑，麻辣味十足，食到我大汗淋漓。豆腐干吸收了雞肉的油份及麻辣味，比雞肉還惹味。食完雞煲再加水打邊爐食物種類不算太多，但食完雞煲，基本上都不太吃得下，只點少許試試。肩胛肥牛色澤鮮紅，肉質夠淋，但肉味不足。真係花膠膠質不足，有些爽口，吸收了麻辣湯的味道，食
今日到附近一間雞煲試試，因平時經過，都嗅到香濃的麻辣味，每次行過都令人口水直流，食指大動。
$168/位雞煲加火鍋
門口有個兵馬俑及古色古香的屏風
店內樓底高，可能是舊樓的關係，放工6:30到達，已有幾枱客人。
有多款餐前小吃，包括拍青瓜，蒜泥白肉，鷄腎，煙鴨胸，春卷，鹹菜豬肚等等。拍青瓜好爽口及開胃，蒜泥白肉就自己混醬配搭落去。
雞煲可以選擇麻及辣的程度，適合大眾口味。
自助醬料吧，有生蒜蓉、葱、辣椒、辣油、豉油。
任飲飲品包括啤酒，可樂，道地茶系列等
任食韓式雪條
我們點了個麻辣雞煲，因我不太吃辣，所以只選擇少麻少辣。
雞件醃得入味，雞肉炒得香口及嫩滑，麻辣味十足，食到我大汗淋漓。
豆腐干吸收了雞肉的油份及麻辣味，比雞肉還惹味。
食完雞煲再加水打邊爐
食物種類不算太多，但食完雞煲，基本上都不太吃得下，只點少許試試。
肩胛肥牛
色澤鮮紅，肉質夠淋，但肉味不足。
真係花膠膠質不足，有些爽口，吸收了麻辣湯的味道，食落又麻又辣。
水魷魚咬落去脆卜卜，但無味，只係食口感。
菜肉雲吞及水餃感覺上兩者無甚麼分別，沒有肉汁。
牛柏葉吸收了湯內精華，牛柏葉夠爽脆。
炸魚皮好夠脆，點一點湯都不影響脆度。
食得太飽，未能試雪條，有點失望。落單後約5分鐘食物就已經送上枱，速度很快，兩小時任飲任食絕對足夠。埋單全包都係＄168／位。
總括而言，雞煲係整晚的亮點，其他打邊爐食物質素一般，不及雞煲吸睛。
Post
