倫哥尚品火鍋私房菜 (Closed)

成日做野做到餓到癲就會好想食個放題慰藉下自己既受傷心靈，今次我地決定食尖沙咀依間倫哥！形式係無限時放題，但有某啲海鮮同item就無得encore既！首先一坐底就已經有啲冷盤涼拌小食甘，可以食住等雞煲，有木耳同青豆。之後就有個燉湯，本身我好喜歡飲湯既所以覺得特別窩心！入面仲有啲湯料添！跟住店員仲送上刺身拼盤，都幾多款刺身！之後就開始滾個雞煲啦，要定時甘去攪拌佢架，但店員都好好人會幫我地整，因為攪既過程都會彈油架，所以真係好貼心！好香既雞煲，我地嗌左中辣，好惹味但吾算好辣啊！雞肉有啲係幾滑的！食食下雞煲就送上左青口，即食都得架，幾鮮味既！食完雞煲其實仲可以再加雞的，但我地就想開始打邊爐了！叫左個蕃茄薯仔蟹湯，都幾鮮甜既湯頭！之後就陸續有啲海鮮牛肉同菜之類既配料送上。牛肉既份量都夠兩人食有多啊，因為仲有好多食物種類，牛頸脊來的所以肉質會來得結實！涮得剛好再食肉質就會嫩啲啦～海鮮款式都多啊，我最愛就係龍躉啦，好滑啊！韮菜餃都好足料！最後仲送上燉奶，面頭仲有少少燕窩，好嫩滑所以都秒清啊我地！