斗滾 (適安大廈)

Open Now

Now Closed

一大班人約食飯，最啱就係食雞煲或者打邊爐，斗滾就滿足到我哋啦！😆 首先係雞煲，因為我哋多人，所以嗌咗兩煲，一煲小辣，一煲唔辣。雞肉斬得細細件，好入味，相對地要夾得好密。😂食得辣嘅可以試中辣或者大辣，應該會好正😋 跟住就係跟人頭嘅海鮮盛宴，有鮑魚、聖子、扇貝、海蝦、花蜆、龍躉、讚岐烏冬。呢盤海鮮令到我哋嘩嘩聲，絕對打卡able！😂味道方面好鮮甜，勁香蒜味，粉絲同烏冬都入晒味👍🏻 食完海鮮就係打邊爐啦！我哋揀咗滋補火鍋湯底，嘢食係自己出去拎。其中好欣賞佢個黑/白墨魚滑，好鮮甜，又彈牙，encore咗好幾轉😂然後就係手切牛頸脊，呢個部位嘅牛唔肥，牛味重，好有咬口👍🏻重點係可以問佢添加，啱晒牛魔王！