熊本牛鍋 (永勝商業中心)

Open Now

Now Closed

餐廳位於永勝商業中心，主打任飲任食和風海鮮雞煲打邊爐放題！呢度有三款套餐，八款火鍋湯底，而且仲可以食足足三個鐘，包你食飽先走🐷 整體環境乾淨，座位之間亦有適當嘅距離，呢個價錢真係無得say！首先會上和風海鮮雞煲，要咗少辣，唔會好辣！配料滿滿，有彈牙嘅鮑魚、爽口嘅大蝦、飽滿嘅蜆肉、雞都幾嫩而且夠入味、仲有豆卜、薯仔等，份量十足，有驚喜！食完雞煲就可以落豬骨湯打邊爐，肉類方面主有澳洲和牛、牛白肉、牛小排、牛肩胛、豚肉、雞肉等，和牛油脂分佈均勻、牛小排質地柔軟，肉味突出，兩款都encore咗好幾次😌 強烈建議可以點雪糕嚟食，又鹹又甜咁真係好過癮～ 自助區有各種火鍋配料，菜類、丸類、麵類、仲有自家製魚滑、餃子、雲吞等，而飲品方面有啤酒、汽水、自家製健康飲料等，老少咸宜，實有一款啱你心水！食得太膩嘅話都可以攞甜品，有雪糕同泡芙，夠凍得嚟味道都好正🤪 值得一讚係個蕃薯糖水，散發著淡淡嘅薑味，可以當水飲🤣